چەکدارێن فەیلەق ئەلشام ل گوندەکی عەفرینێ زارۆکەکی کورد ئەشکەنجە کر

ل گوندێن ناڤچەیا راجۆ یا ھەرێما عەفرینا رۆژئاڤایێ کوردستانێ، چەکدارێن فەیلەق ئەلشام زارۆکەکی کورد ئەشکەنجە کر، و رادەستی زیندانا ماراتێ یا ناڤەندا باژارێ عەفرینێ کر.

ژێدەرێن خوەجھی ئەشکەرە کرن: رۆھات حسێن خالد، 16 سالییە، ل گوندێ گازێ کو یەک ژ گوندێن مەیدانا کو ب خوە 7 گوندن، سەر ب ناڤچەیا راجۆ ڤە نە، دەما شڤانتیا پەزێ خوە دکر، چەکداران ئەو گرت و ب شێوەیەکی ھۆڤانە لێ دا.

ژێدەران ئانی زمان: سەدەما گرتنا وی نە دیارە، ب تەنێ ھاتیە زانین کو ژ 11 مژدارێ ڤە گرتییە، و بۆ زیندانا ماراتێ یا ناڤەندی ھاتیە ڤەگوھەستن، چارەنڤیسا وی نە دیارە.

ل عەفرینێ، گرتن و رەڤاندنا کوردان ژ ئالیێ کۆمێن چەکدار ڤە بەردەومن، د 20 جۆتمەھا بووری دە، محەمەد عارف بەتال 70 سالی، ل گوندێ عەرەبا یێ ناڤچەیا مابەتا، ژ ئالیێ چەکدارێن محەمەد فاتح ڤە ھات گرتن، پشتی دانا 2000 دۆلارێن ئەمەریکی، د 8 مژدارێ دە ھات بەردان.