ل باژارێ عه‌فرینێ یێ رۆژئاڤایێ کوردستانێ بۆمبەیەک ب بارهلگرەکێ دە تەقەیا و د ئەنجامێ دە 19 کەس بریندار بوون.
بەرەڤانیا سڤیل یا سووری بەلاڤ کر، دوهی دانێ ئێڤارێ ل دەریێ ئەلقۆس یێ باژارێ عه‌فرینێ، بۆمبەیەک ب بارهلگەرەکێ دە تەقیا و د ئەنجامێ دە 19 کەس بریندار بوون کو د ناڤا وان دە 2 زارۆک هەبوون.
ژ ئالیێ خوە ڤە، رەوانگەها سووری یا مافێن مرۆڤان بەلاڤ کر، تەقین ل دەریێ ئەلقۆس یێ باژارێ عه‌فرینێ، ل نێزی رێبەندەکە چەکدارێن ئۆپۆزسیۆنا سووریێ روو دا.
ل گۆری زانیاریێن رەوانگەهێ، د ئەنجاما تەقینێ دە کەسەک هات کوشتن و هەژمارەک کەسێن دن ژی بریندار بوون.
ژ دەما داگیرکرنا عه‌فرینێ ژ ئالیێ ئارتێشا ترکیێ و گرووپێن چەکدارێن سەر ب وێ ڤە د ئادارا 2018ان دە، رەوشا ئەولەهیێ ب یەکجاری تێک چوویە و گەلەک جاران ل باژێر تەقین روو ددن و وەلاتیێن سڤیل ژی دبن قوربانی.
