سازیا ئیستخباراتا میللی یا ترکیێ (میت)ێ راگەھاند، یەک ژ بەرپرسێن پەکەکێ کو ئالیکاریا مادی و رێخستنی ژ بۆ وێ رێخستنێ کۆم دکرن، و بەرپرس بوو ژ تەڤلیکرنا ئەندام و شەرڤانێن نوو د ناڤا رەفێن پەکەکێ دە ب ناڤێ گولسوم دۆگان یا وەک ژیان مێردین دھاتە ناسکرن د ئۆپەراسیۆنەکا نۆقتەیی دە کوشتیە.
ل گۆر ئاژانسا ئانادۆلو یا فەرمی یا زمانێ دەولەتا ترکیێ، گولسوم دۆگان یا وەک ژیان مێردین تێ ناسکرن ل سلێمانیێ د ئۆپەراسیۆنەکا میتێ دە هاتیە کوشتن.
ھات راگەھاندن ژییان مێردین ل سلێمانی و باژار و باژارۆکێن دەردۆرێ بەرپرسا پەکەکێ/کەجەکێ بوویە و ل گۆر چاڤکانیێن ئەولەھیا ترکیێ راگەھاندیە، ژیان مێردین ل گۆر فەرمانێن کو وەردگرت، ژ باج ستاندنا ژ خەلکێ و تەڤلیکرنا ئەندامان د رێخستنێ دە بەرپرس بوویە.
دەربارێ ئاوایێ ئۆپەراسیۆنێ و جیھێ وێ دە چ ئاگاھیێن زێدەتر نەھاتن بەلاڤ کرن، لێ تەنێ ھات راگەھاندن کو ئەو بەرپرسا ژن یا پەکەکێ ل سلێمانیێ ھاتیە کوشتن. دەربارێ ڤێ مژارێ دە ھەتا نھا پەکەکێ چ داخویانیەکا فەرمی بەلاڤ نەکریە.
