ھەڤدەمێ کو رێڤەبەریا پەیەدێ، پشتەڤانیا ھەر یەک ژ دەڤەرێن د بن دەستێ رەژیما سووریێ و ئۆپۆسزیۆنا سووریێ، ب پەترۆلێ دکە، د ھەمان دەمێ دە، ل دەڤەرێن د بن دەستێ وێ دە کریزا سۆتەمەنیێ بەردەوامە، و ئەگەر بەهرا وەلاتیان بەلاڤ بکە ژی گازەکا پڕ خەراب ب ولاتیان ددە.
ل گۆر دیمێنێن د سۆسیال مەدیایێ دە هاتینە پارڤەکرن، وەلاتیەکی ژ کۆبانێ، گلیێن خوە ژ خەرابوونا کوالیتیا گازا سپی نیشان ددە، و دبێژە پشتی کو بەهرا خوە یا گازێ وەرگرتیە ماتمایی مایە و دبێژە: ئەڤ مادە نە گازە، نە بێھنیا گازێ نە رەنگ و نە ژی دکارە ژ بۆ گەرمکرنێ بهێت بکار ئانین، ب تەنێ ب کێر هاڤیتنێ دهێت.
ژێدەرێن تایبەر ژ رۆژئاڤایێ کوردستانێ تەکەز دکن، کو کریزا گازا مالان، نەخاسم نھا د وەرزێ زڤستانێ دە ل دەڤەرێ ھەیە، و ژ بێپاربوونا خوە ژ گازێ ب گلی و گازنن.
ئەڤ یەک د دەمەکێ دەیە کو پەیەدە، بەردەوام پشتەڤانیا رەژیم و کۆمێن چەکدار یێن ئۆپۆسیۆنا سووریێ، ب سۆتەمەنیێ دکە، کو د 5 مژدارا 2023 دە رەوانگەھا سووریێ یا مافێ مرۆڤان دیمەن بەلاڤ کربوون، و تەکەز کربوو، کو هەسەدە پەترۆلێ ژ بۆی ھەر دو دەڤەرێن د بن ھەژموونا رێژیما سووریێ و ئارتێشا نشتیمانی یا ئۆپۆسیۆنا سووریێ دشینە، و ب سەدان بارھلگر د سرەیێ دە نە دا کو دەرباسی وان دەڤەران ببن.
