ئەردۆگان: ھشیاریا “شەڤەکێ ئەمێ ژ نشکا ڤە وەرن” ئیرۆ ژی ھەیە

سەرۆک کۆمارێ ترکیێ رەجەب تەییب ئەردۆگان، ئیرۆ د جڤینا وەزیرێن وەلاتێ خوە دە گۆت: “مە ب ئۆپەراسیۆنا چەنگ رە رێخستنێن جوداخواز ژ سینۆرێ ئیراقێ دوور خستن و وەکە دوهـ ھشیاریا “شەڤەکێ ئەمێ ژ نشکا ڤە وەرن” ئیرۆ ژی ھەیە.

ئەردۆگان، ئیرۆ دوشەمبێ 20/11/2023، د جڤینا کابینەیا حکوومەتا ترکیێ دە راگهاند، “ب ئۆپەراسیۆنا کو ل باکورێ سووریێ مە ئەنجامدایی، کۆریدۆرا تەرۆرێ یا کو ل باشوورێ سینۆرێن مە دھات ئاڤاکرن ھات ئیمھاکرن”.

ئەردۆگان هەر وەها گۆت: “د هوندر و دەرڤەی سینۆرێن مە دە ھەتا داوی تەرۆریست کو وەلاتێ مە تەھدید دکە ژ ناڤ نەبین، ئەمێ ئۆپەراسیۆنێن خوە بدۆمینن.”

سەرۆک کۆمارێ ترکیێ باس ل مووسل و قودسێ ژی کر و راگهاند، “د دلێ مە دە قەرەباخ و غەززەیێ هەمان پێگەهـ هەیە، وەک حەلەب، ترابلوس و مووسلێ، کو ئەم نکارن وان ژ ھەڤ ڤەقەتینن، هەر وها ئەم باژارێ خوەیێ قەدیم قودسێ وەکی وان دبینن.”