دو جوانێن کورد ژ ئالیێ ھێزێن رەژیما ئیرانێ ڤە ھاتن گرتن

جوانێن کورد فەرزین نەبی (14 سالی) و ھێدی یووسفی (16 سالی) یێن خەلکێن باژارێ پیرانشارێ، ژ ئالیێ ھێزێن ئەولەھی یێن رەژیما ئیرانێ ڤە ب لێدانێ ھاتن گرتن و بەر ب جھەکی نەدیار ھاتن برن.

ل گۆر راپۆرا ئاژانسا مافێ مرۆڤان ھەنگاو، فەرزین نەبی جوانێ 14 سالی و خەلکێ باژارێ پیرانشارێ ژ ئالیێ ھێزێن ئەولەھی یێن رەژیمێ ڤە ل جھێ کارێ خوە، ل جادەیا مەلا رزا، ھاتیە گرتن.

جوانەکی دن یێ ب ناڤێ ھێدی یووسفی تەمەن 16 سالی، د مالا خوە دە ژ ئالیێ ھێزێن ئەولەھی یێن رەژیمێ ڤە ب ئاوایەکی ھۆڤانە ھاتیە گرتن..

ئەو جوانێن کورد پشتی گرتنێ بەر ب جھەکی نەدیار ھاتنە برن و ھێ ژی سەدەما گرتن و تۆھمەتێن کو ب سەر وان دە ھاتنە سەپاندن نایێ زانین. مالباتێن وان ژ ژیانا وان ب ئەندیشە نە.