رێخستنا په‌كه‌كێ كو ب ناڤێ به‌رخوه‌دانێ رۆژانه زارۆكێن كوردان فه‌دا دكه، هه‌ری داوی ناسنامه‌یا كه‌چه‌كه دن ئاشكه‌ره كر كو ئه‌و ژی وه‌كه ب هه‌زاران زارۆكێن دن یێن كوردان به‌رێ وێ ژ بۆی دۆزه‌كێ دایه مرنێ كو ت پێوه‌ندییا وێ ب كورد و كوردستانێ ڤه تونه.
هه‌په‌گێ باسكێ له‌شكه‌ری یێ په‌كه‌كێ رۆژا دوشه‌می 20\11\2023ێ ناسنامه‌یا چه‌كداره‌كه خوه یا ب ناڤێ شیلان ئۆسمان ئاشكه‌ره كر كو ل 4 جۆتمه‌ها ئیسالێ ل چیایێ مه‌تینایێ یێ ل باشوورێ كوردستانێ، ب ده‌ستێ ئارتێشا ده‌وله‌تا ترك یا داگیركه‌ر دا یه كوشتن.
هه‌په‌گێ وه‌كه هه‌ر جار د په‌سنێ شیلانێ ده گۆتیه: «ئه‌و ملیتانا ئاپۆ بوو، خوه فه‌دایێ ئاپۆ كر، لۆما ژی لاییقی ئاپۆ ده‌ركه‌ت!»، په‌كه‌كه خوینا زارۆكێن كوردان ووسا بێ رۆمه‌ت كریه كو پر ب بێ ئه‌خلاقی به‌رێ وان دده مرنێ و پشتره د بێژه فه‌دایێ ئاپۆ بن.
رێبه‌ر و رێڤه‌به‌رێن په‌كه‌كێ و فه‌رماندارێن وێ یێن پایه‌بلند، زارۆكێن وه‌كه شیلانێ د خاپینن و به‌رێ وان ددن مرنێ و ئه‌و ژی د شكه‌فتێن قه‌ندیلێ و ڤیلایێن خوه یێن ل سلێمانیێ ده ل ژێر چاڤدێرییا میتێ وه‌كه میر و پاشایان رازاینه.
ل گۆری ئاگاهیێن ده‌ستێ «داركامازی» هێژان ب هه‌زاران زارۆك و جوانێن كوردان مانه كو په‌كه‌كێ داینه كوشتن و مرنا وان ڤه‌شارتی هشتیه.
