زنجیرا رەڤاندنا زارۆکان ل رۆژئاڤایێ کوردستانێ و دەڤەرێن د بن کۆنترۆلا هەسەدێ دە بەردەوام دکە، ھەری داوی 2 زارۆک ل حەلەبێ هاتن رەڤاندن.
مامێ زارۆکێ ب ناڤێ عومەر مستەفا حەسەن یێ 13 سالی، دوهی 21 مژدارا 2023، راگھاند، تەڤگەرا جوانێن شۆرەشگەر یا سە ب هەسەدێ-پەکەکێ ڤە دوھ ئێڤارێ عومەر ژ بەرامبەر مالا وی ل تاخا شێخمەقسوود یا حەلەبێ رەڤاند.
تەکەز کر، بابێ عومەر ل ھەموو بارەگەھێن پەیەدێ یێن ل شێخمەقسوودێ پرسا کورێ خوە کر، لێ تا نھا چارەنڤیسا وی نە دیارە.
عومەر مستەفا ژ شێنیێن گوندێ رەمەدانا یێ ناڤچەیا جندرێسێ یا عەفرینا رۆژاڤایێ کوردستانێ یە.
ل باژارێ منبجێ یێ گرێدایی پارێزگەھا حەلەبێ ژی رێخستنا جوانێن شۆرەشگەر یێن گرێدایی پارتیا کارکەرێن کوردستانێ زارۆکەکی دن یێ 13 سالی ژ گوندەوارێن باژێر رەڤاندن.
تۆرا چاڤدێریا مافێن مرۆڤان یا سووریێ راگهاند، تەڤگەرا جوانێن شۆرەشگەر د 16 مژدارا 2023 دە زارۆکێ ب ناڤێ ئیبراھیم محەمەد ئەل-بەرخوولی یێ 13 سالی ژ گوندێ عەرەب حەسەن کەبیر رەڤاند.
هەر وەها د 16 مژدارێ دە، ستێر ئەحمەد، تەمەن 14 سالی، ژ تاخا شێخ مەقسوود ل باژارێ حەلەبێ ژ ئالیێ تەڤگەرا “جوانێن شۆرەشگەر” ڤە ھارتیە رەڤاندن.
د 8 مژدارێ دە، سەبریە شیار مستۆ، تەمەن 13 سالی، ژ تاخا شێخ مەقسوود ل باژارێ حەلەبێ ژ ئالیێ تەڤگەرا “جوانێن شۆرەشگەر” ڤە ھاتیە رەڤاندن، د 11 ڤێ مەھێ دە ھات ڤەگەراندن.
د مەھا جۆتمەھێ دە ژی، 5 زارۆکێن ژێر 18 سالیێ ژ ئالیێ ھێزێن سووریا دەمۆکراتکی هەسەدێ ڤە ل رۆژئاڤایێ کوردستانێ و حەلەبێ ھاتنە رەڤاندن، بچووکترین زارۆک 12 سالی یە.
