سازیا ئیستخباراتا میللی یا ترکیێ (میت)ێ راگەھاند، یەک ژ بەرپرسێن پەکەکێ یێ ژ ئالیێ ئینتەرپۆلێ ڤە ژی بریارا گرتنا وی هاتیە دەرکرن و بەرپرسێ دابین کرنا چەک و تەقەمەنیان بوویە د ناڤا پەکەکێ دە ب ناڤێ فەخرەدین تۆلون یێ وەک خەیری سەرحەد دهێت ناس کرن ل رمێلانا رۆژئاڤایێ کوردستانێ ھاتیە کوشتن.
ل گۆر ئاژانسا ئانادۆلو یا زمانحالێ فەرمی یا دەولەتا ترکیێ، فەخرەدین تۆلون یێ د ناڤا رێخستنێ دە وەک خەیری سەرحەد تێ ناسکرن ژ سالا 1992 ڤە ل سووریێ، ئیران و ئیراقێ ژ بۆ دابین کرنا چەکێن گران کار کریە و بەرپرس بوویە، و ژ ئالیێ ئنتەرپۆلێ ڤە ژی د لیستەیا سۆر دە لێگەرینا وی ھەبوویە.
ھەروەھا ھات راگەھاندن ژ ئالیێ دادگەھێن ئیدر و ئەرزرۆمێ ڤە ژی دۆسیایێن خەیری سەرحەد ب ناڤێ “ئەندامەتیا رێخستنا تەرۆرێ” هەبوونە و ژ بەر وێ ژی لێگەرین و بریارا گرتنا وی ھەبوویە و ژ ئالیێ میتێ ڤە ب ئۆپەراسیۆنەکێ ل رمێلانا رۆژئاڤایێ کوردستانێ ھاتیە کوشتن.
