وەزارەتا بەرەڤانیێ یا ترکیێ راگهاند، وان 17 پێگەهێن په‌كه‌كێ ل ناڤچەیێن گاره، مه‌تینی و قەندیلێ بۆمبباران کرنە.
وەزارەتا بەرەڤانیێ یا ترکیێ ب داخویانیەکێ راگهاند، د ئۆپەراسیۆنێن ئاسمانی یێن کو ل ناڤچەیێن گاره، مه‌تینی و قەندیلێ ل دژی چەپەرێن تەرۆریستان هاتن کرن دە، 17 پێگەهێن په‌كه‌كێ هاتن بۆمببارانکرن.
د داخویانیێ دە هەر وها هات گۆتن، ترکیە «ژ بۆ ژناڤبرنا ئێریش و گەفێن تەرۆریستان» و پاراستنا سینۆرێن خوە، ئۆپەراسیۆنا ئاسمانی پێک ئانیە.
هات راگهاندن فرۆکەیێن ترکیەیێ دوهی دانێ ئێڤارێ ل سەر سینۆرێ ئیدارەیا سەربخوە یا راپەرینێ دفریان.
پشتی دەمژمێر 20:00ێ شەڤا بۆری ژی، گوندێن بنارا قەندیلێ ب تایبەت شەش گوندێن ناڤچەیێن ژارەوا و سەنگەسەرێ هاتن بۆمببارانکرن، لێ زیانێن وێ هەتا نها نەدیارن.
ل گۆری گۆتنا وەلاتیان، دەنگێ تەقینان ل نێزیکی گوندێن بۆکریسکان، زەرنەکێو و بۆلێ هاتیە بهیستن.
