ژ ئالیێ پارێزگەریا دیاربەکرێ ڤە ھات راگھاندن کو چالاکیا ژ ئالیێ رێخستنێن ژنان ڤە ئامادەکاریێن وێ تێن کرن ھاتیە قەدەغەکرن، ھەر وھا ل وانێ ژی بۆ 4 رۆژان قەدەغەیا چالاکیان ھات راگھاندن.
د چارچۆڤەیا 25 مژدارێ رۆژا پێشیلێگرتنا توندیا ھەمبەر ژنان دە بریار بوو کو ژ ئالیێ رێخستنێن ژنان ڤە دەمژمێر 16:00 مەشەک وەرە ل دارخستن.
ل سەر ڤێ یەکێ پارێزگەریا دیاربەکر راگھاندن ژ بەر کو مەترسیا روودانا ئالۆزیان ھەیە ھەموو جوورە چالاکیێن ناڤبەرا 16:00-19:00 ھاتنە قەدەغەکرن.
ژ ئالیێ خوە ڤە، پارێزگەریا وانێ ژی راگھاند ژ بلی چالاکیێن پارێزگەریێ یان ژی قایمەقامتیان دەستور دانە ھەموو جورە چالاکیێن ناڤبەرا 25 مژدارێ و 28 مژدارێ دە نە کو رۆژا 28 ژی تێ دە ھاتنە قەدەغەکرن.
