تركیێ د ئیسال ده ته‌نێ ژ رایه‌دارێن په‌كه‌كێ 54 كه‌س كوشتنه و په‌كه‌كه هێژان قالا سه‌ركه‌فتنێ دكه
رێخستنا په‌كه‌كێ د ئیسالێ ده 54 به‌رپرس، رێڤه‌بر و فه‌رماندارێن خوه یێن پایه‌بلند وه‌ندا كرنه، هه‌ر هه‌موو بوونه هه‌ده‌فا راسته‌راست یا میتێ و د ئۆپه‌راسیۆنێن تایبهت ده هاتنه كوشتن، داركا مازی وێنه و ئاگاهیێن ته‌ڤ وان رایه‌داران پارڤه‌دكه.
ئیسال 2023 ژی وه‌كه 40 سالێن رابووری، پارتیا كاركه‌ران ت ده‌ستكه‌فتیه‌ك ژ بۆی ملله‌تێ كورد و دۆزا وان یا ره‌وا ب ده‌ست نه‌خستن و عه‌ینی ده‌ره‌وێن سالێن رابووری دوباره‌كرن، به‌روڤاژی تفاقێن ب ده‌وله‌تێن داگیر، ژ ده‌ستدایینا ئاخێ و هه‌رێمێن گێریلا، ره‌ڤاندن و دانه كوشتنا زارۆكێن كوردان، هه‌ر وها سته‌ندنا باجێ و گه‌شكرنا تجاره‌تا مادده‌یێن هشبه‌رێ، ژ گرنگترین سه‌ردێرێن به‌رخوه‌دانا په‌كه‌كێ یا سالا 2023 بوون، به‌رخوه‌دانا كو ب سه‌رناڤێ «براتییا گه‌لان و ده‌مۆكراتیكرنا تركیه‌یێ و ئافراندنا پاشه‌رۆژێ» د مه‌شینه.
د ڤێ بابه‌تێ ده ئه‌مێ ته‌نێ به‌حسا وه‌نداهیێن په‌كه‌كێ یێن 2023 بكن، ته‌ڤی كو د ڤێ سالێ ده ب سه‌دان گێریلا و زارۆكێن كوردان ب ده‌ستێ ئارتێشا ترك دا نه كوشتن، ئیستخباراتا تركیێ میتێ ژی د ئۆپه‌راسیۆنێن تایبهت ده هه‌ری كێم 60 به‌رپرس، رایه‌دار، ئه‌ندامێن كونسه‌یا ناڤه‌ندی و فه‌رماندارێن له‌شكه‌ری و به‌رپرسێن ئیداری یێن په‌كه‌كێ كوشتنه.
ل همبه‌ری ڤێ وه‌نداهیێ و زێده‌باری دانه كوشتنا ب سه‌دان گێریلایان، په‌كه‌كێ ت یێك ژ فه‌رماندار و رایه‌دارێن ترك نه ل ناڤا سینۆرێن تركیێ و نه ژی ل ده‌رڤه‌ی سینۆرێ تركیێ نه‌كوشتنه.
میتێ پرانییا ئه‌ڤان رایه‌دارێن په‌كه‌كێ، ل باشوور و رۆژئاڤا كوردستانێ كرنه ئارمانج و ناڤێن وان ووسایه:
ل 3/3/2023، میتێ ل شه‌نگالێ ئۆپه‌راسیۆنه‌ك تایبهت ئه‌نجام دا و سه‌عه‌د عه‌لی به‌ده‌ل به‌رپرسێ له‌شكه‌ری یێ په‌كه‌كێ ل شه‌نگالێ كوشت.
ل 19/3/2023، محه‌مه‌د یلدرم به‌رپرسێ دارایی یێ په‌كه‌كێ ل تلرفعه‌تێ، ژ هێلا میتێ ڤه هات كوشتن.
ل 16/4/2023 فه‌رماندارا هه‌په‌گێ یا ب ناڤێ هێژار زۆزان ل هه‌رێما سه‌رحه‌دێ هات كوشتن.
ل 25/4/2023 میتێ ئیلان كر كو مه‌همه‌ت ساری به‌رپرسێ په‌كه‌كێ یێ ره‌ققایێ، د ئۆپه‌راسیۆنه‌كێ ده ل قامشلۆ هات كوشتن.
ل 4/5/2023 میتێ ئه‌نگیزه‌ك جوودی به‌رپرسێ په‌روه‌رده‌یێ یێ په‌كه‌كێ، ل گاره‌ی كوشت.
ل 5/5/2023ان میتێ ل چیایێ گاره‌ی نێچیرڤان سه‌ڤه‌ن به‌رپرسێ لۆجستیك یێ په‌كه‌كێ كوشت.
ل 7/5/2023 میتێ به‌رپرسێ په‌كه‌كێ ئه‌یڤاز به‌یاز به‌رپرسێ ئه‌نیا گاره‌ی یا په‌كه‌كێ كوشت.
ل 9/5/2023 ل چیایێ گاره‌ی ئیستخباراتا تركیێ، ته‌كین ئۆكان به‌رپرسێ یه‌كه‌یا تایبهت یا په‌كه‌كێ كوشت.
ل 10/5/2023 میتێ به‌رپرسێ هێزا تایبهت یێ په‌كه‌كێ، موسلم ئورپه‌ر ل چیایێ گاره‌ی كوشت.
ل 13/5/2023 میتێ حه‌یده‌ر ده‌میره‌ل به‌رپرسێ گشتی یێ ئه‌یاله‌تا هۆلێ یێ په‌كه‌كێ كوشت.
ل 17/5/2023 میتێ كه‌سێ ب ناڤێ توبا كاراكوچا كو یه‌كه ژ به‌رپرسێن دارایی یێن په‌كه‌كێ ل كۆبانیێ كوشت.
ل 22/5/2023 میتێ به‌رپرسێ راگهاندنێ یێ په‌كه‌كێ عه‌مه‌ر شاهین، ل باشوورێ كوردستانێ هه‌ده‌ف كر.
ل 24/5/2023 رێڤه‌به‌ریا په‌كه‌كێ ب داخویانیه‌كی كوشتنا ئه‌نداما كۆمیته‌یا ناڤه‌ندی یا رێخستنێ و فه‌رماندارا یه‌ژا-ستارێ یا ب كۆدناڤێ «له‌یلا سۆرخوین» ئاشكه‌ره كر.
ل 8/6/2023 مه‌دیایا تركیێ راگهاند كو میتێ د ئۆپه‌راسیۆنه‌كێ ده ل سلێمانیێ به‌رپرسێ مه‌زن یێ په‌كه‌كێ فەهمی ئۆگمەن، ل گەل دو گەریلایێن دن كوشتیه.
ل 9/6/2023 میتێ كوشتنا ئه‌نداما رێڤه‌به‌ریا منبجێ یا په‌كه‌كێ، هێلین ئیشه‌نم راگهاند.
ل 10/6/2023 میتێ ل سلێمانیێ كادرۆ و به‌رپرسێ په‌كه‌كێ حوسەیین ئاراسان كوشت.
ل 14/6/2023 میتێ ل باشوورێ كوردستانێ كه‌سێ ب ناڤێ عه‌بدولقه‌هار كاراساچ كوشت.
ل 17/6/2023 میتێ به‌رپرسێ په‌كه‌كێ یێ ب ناڤێ نووری ئۆسمان، ل رۆژئاڤا كوردستانێ كوشت.
ل 17/6/2023 ل گۆر داخویانیا هه‌په‌گێ یەک ژ فەرماندارێن گەریلایان ب ناڤێ سامی ئۆزدەمیر و ئومیت کۆرکماز كه‌تنه به‌ر ئێریشان و هاتنه كوشتن.
ل 20/6/2023 ھەڤسەرۆکا کانتۆنا قامشلۆ یوسرا دەرویش، د ئێریشا درۆنا ترکیێ دە ھاتە کوشتن و جیگرێ وێ گابی شەمعوون ژی بریندار بوو.
ل 23/6/2023 میتێ كوشتنا عه‌بدولره‌حمان چادرچی یێ ئه‌ندامێ كۆنسه‌یا په‌كه‌كێ راگهاند.
ل 24/6/2023 ئه‌ندامێ كۆنسه‌یا كه‌جه‌كێ ئه‌سات فه‌راشین، د ئێریشه‌كا تركیێ ده ل رۆژئاڤا كوردستانێ هات كوشتن، ئه‌ڤ كادرۆیێ هێلا ژوور ب سندۆقا ره‌ش یا په‌كه‌كێ دهات ناسكرن.
ل 15/7/2023 ئیستخباراتا ترکیێ راگەھاند، بەرپرسی پەیەدێ – په‌كه‌كێ یێ منبجێ ب ناڤێ ھەیسەم جومعا کوشت.
ل 16/7/2023ان ئیستخباراتا تركیێ فه‌رمانداره‌كێ دن یێ په‌كه‌كێ ب ناڤێ ئه‌دیب ته‌میز كوشت كو به‌رپرسه‌كی ته‌كنیكی یێ گرینگ یێ رێخستنێ بوو.
ل 16/7/2023 میتێ بیلال ئۆنات، به‌رپرسێ په‌كه‌كێ یێ ئاڤاشینێ كوشت.
ل 22/7/2023 دەولەتا ترکیێ راگهاند یەک ژ بەرپرسێن پایەبلندێن پەکەکێ ب ناڤێ ئوزگور ئالپارسلان، ل چیایێ گارە کوشتیە.
ل 31/7/2023 میتێ كوشتنا هاروون ئیتاح، فه‌رماندارێ بۆتانێ یێ هه‌په‌گێ ئیفشا كر.
ل 2/8/2023 ئارتێشا تركیێ سولتان ئورۆچا فه‌رماندارا پارتیا كاركه‌ران ل گونده‌وارێ بدلیسێ كوشت.
ل 4/8/2023 بالافرێن تركیێ ل شه‌نگالێ به‌رپرسێ مه‌زن یێ په‌كه‌كێ یلماز بایرام كوشت.
ل 16/8/2023 میتێ ل چیایێ گاره‌ی بەرپرسێ راگھاندنێ و ئارشیڤێ یێ پەکەکێ، جەلال بیردال کوشت.
ل 19/8/2023 میتێ ل حه‌سه‌كێ كه‌سا ب ناڤێ هیجران ئیجوزا، به‌رپرسا ژن و جوانێن بێ چه‌ك یێن په‌كه‌كێ كوشت.
ل 23/8/2023 میتێ دیسان ل سلێمانیێ كه‌سێ ب كۆدناڤێ باوەر بۆتان كو كادرۆیێ په‌كه‌كێ یه د ئۆپەراسیۆنەکا تایبەت ده کوشت.
ل 1/9/2023 میتێ كه‌سا ب ناڤێ ئیمان مه‌حموود دەروێش، د ئێریشه‌كه هه‌وایی یا تركیێ ده ل منبجێ كوشت.
ل 7/9/2023 بەرپرسێ ئەنجوومەنا لەشکەری یا منبجێ بۆزان ئۆسمان بەرکل د ئەنجاما تەقینا بۆمبەیەکێ دە هاته كوشتن.
ل 7/9/2023 میتێ كه‌سا ب ناڤێ زولفیه بینبیرا، كو ترافیكا په‌ره‌یان یا په‌كه‌كێ بوو ل رمێلانێ كوشت.
ل 10/9/2023 په‌كه‌كێ كوشتنا فه‌رمانداره‌كه خوه ئا ب ناڤێ «یلدز شاهین» ئاشكه‌ره.
ل 11/9/2023 میتێ كه‌سێ ب ناڤێ موعته‌سم ئاكیوره‌ك به‌رپرسێ په‌روه‌رده‌هیا له‌شكه‌ری یێ یه‌په‌گێ – په‌كه‌كێ ل عاموودێ كوشت.
ل 17/9/2023 د ئێریشه‌كه هه‌وایی یا تركیێ ده ل سینۆرێ قامشلۆ، فه‌رماندارێ هه‌سه‌دێ و كادرۆیێ په‌كه‌كێ «ئاسلان قامشلۆ» هات كوشتن.
ل 22/9/2023 رێڤه‌به‌رییا خوه‌سه‌ر، كوشتنا به‌رپرسا په‌كه‌كێ ره‌مزیه ئالتۆگ ل قامشلۆیێ راگهاند.
ل 22/9/2023 میتێ ل شه‌نگالێ كه‌سێ ب ناڤێ خالد ره‌شۆ قاسم، به‌رپرسێ ئه‌وله‌هییا شه‌نگالێ یێ یه‌به‌شێ – په‌كه‌كێ كوشت.
ل 27/9/2023 ل دۆرووبەرا گوندێن سلێمانیێ، كادرۆیێ په‌كه‌كێ مه‌زلووم ئۆزتورک، د ئۆپەراسیۆنەکە تایبەت یا میتێ ده هاتە کوشتن.
ل 2/10/2023 میتێ به‌رپرسێ ئاساییشا په‌كه‌كێ یێ رۆژئاڤا كوردستانێ، موزده‌لیف تاشكین ل قامشلۆ كوشت.
ل 6/10/2023 به‌رپرسێ یه‌به‌شێ و په‌كه‌كێ یێ شه‌نگالێ، ئیلیاس برۆ هاته كوشتن.
ل 25/10/2023 میتێ به‌رپرسا په‌كه‌كێ ئاتێلا یا ب ناڤێ كۆد رۆزه‌رین شه‌مزینان، ل باشوورێ كوردستانێ كوشت.
ل 28/10/2023 میتێ به‌رپرسێ په‌كه‌كێ یێ لیوایا دێركێ، كه‌سێ ب ناڤێ محه‌مه‌د عه‌زۆ كوشت.
ل 31/10/2023 بەرپرسێ لۆژیستیک و دارایی یێ ھەرێما مەتینا یێ پەکەکێ، جاھید ئاکتای د ئۆپه‌راسیۆنه‌كه میتێ ده هات كوشتن.
ل 7/11/2023 میتێ راگهاند كو بەرپرسا پەکەکێ یا ب ناڤێ عایشە ئارسلان، کو وەک تەکۆشین جزیرە تێ ناسکرن کوشتیە.
ل 10/11/2023 میتێ د ئۆپه‌راسیۆنه‌كێ ده «یادین بولوت» بەرپرسێ بازرگانیا مادده‌یێن هشبه‌ر و چالاكیێن قانوونیکرنا پەرەیێ دەرەقانوونی یێ په‌كه‌كێ كوشت.
ل 17/11/2023ان میتێ عه‌لی سوباش، به‌رپرسێ ئایدۆلۆژیك یێ په‌كه‌كێ ل رۆژئاڤا كوشتن.
ل 14/11/2023 به‌رپرسێ رێخستنا په‌كه‌كێ یێ كه‌ركووكێ، كه‌سێ ب ناڤێ ره‌مزی ئاڤجی، د ئۆپه‌راسیۆنه‌كه تایبهت یا میتێ ده ل سینۆرێ سلێمانیێ هات كوشتن.
ل 23/11/2023 میتێ كوشتنا فەخرەدین تۆلون، بەرپرسێ دابین کرنا چەک و تەقەمەنیان یێ پەکەکێ ل رمێلانا رۆژئاڤایێ کوردستانێ كوشت.
ل 20/11/2023 میتێ راگەھاند كو وان به‌رپرسا په‌كه‌كێ یا ب ناڤێ گولسوم دۆگان، كوشتیه.
پارتیا كاركه‌ران ژ ده‌ستپێكا دامه‌زراندنا خوه و هه‌یا رۆژا مه یا ئیرۆ ت ده‌ستكه‌فتیه‌ك ژ بۆی كوردان ب ده‌ست نه‌خستیه، ته‌نێ مالوێرانی و شه‌ر و كاڤلكاری ژ بۆی كوردان ئانیه، ل گۆری بیلانچۆیێن كو ژ هێلا رێخستنێن ناڤده‌وله‌تی ڤه تێن پارڤه‌كرن، ب ده‌هان هه‌زار كورد ب سه‌ده‌ما شه‌رێ بێ واته یێ په‌كه‌كێ د 40 سالێن بۆری ده هاتنه كوشتن و ل همبه‌ری ڤێ هێژان یێك گوندێ كوردستانێ ب ڤێ ته‌كۆشینا ساخته یا په‌كه‌كێ نه‌هاتییه رزگار كرن.
