مالباتا عیسام عیسا زارۆکێ کو ژ ئالیێن جوانێن شۆرەشگەر یێن سەر ب پەکەکێ ڤە رەڤاندی، بانگا خوە گھاندن ئالیێ پەیوەندیدار و بەرپرس دا کو وی ڤەگەرینن.
عیسام محەمەد عیسا ژ گوندێ قتمێ یێ ناڤچەیا شەرایا عەفرینێ یە، ژ بەریا بێتر ژ سال و نیڤان ڤە ل تاخا شێخ مەقسوودا حەلەبێ هاتیە رەڤاندن، کو دویەمین جارر تێ رەڤاندن، یەکەم جار د 23 مژدارا 2012 دە بوو، د 1 بەرچلەیا ھەمان سالێ ھات بەردان.
مالباتێ تەکەز کرن کو دویەمین جارە ژ بەریا سالەک و 7 ھەیڤان ڤە ژ ھەمان تاخێ رەڤاندییە، تا نھا چ ئاگاھیەکێ ل سەر وی نزانن.
ژێدەرێ ئانی زمان ژی کو دەما ھاتیە رەڤاندن ب تەنێ 13 سالی بوو، ھەر چقاس سال و مەھ دەرباس دبن کو د لەشکەریا نەچاری دەیە دیسا نەبوویە 18 سالی، ئەو ژی بەرووڤاژی یاسایێن وانە.
مالباتێ ھەولێن خوە کرن و بەرێ خوە دان سازی، رێخستن، دەزگەھێن سەر ب پەیەدێ، لێ ھەر بێسوود بوون.
هەر وەها عومەر مستەفا حەسەن یێ 13 سالی، د 21 مژدارا 2023، ژ پێشیا مالا خوە ل ھەمان تاخێ ھاتیە رەڤاندن. مالباتا وی ژی ل ھەموو بارەگەھێن پەیەدێ یێن ل شێخ مەقسوود پرسا کورێ خوە کر، لێ تا نھا چارەنڤیسا وی نە دیارە. عومەر مستەفا ژ شێنیێن گوندێ رەمەدانا یێ باژارێ جندرێسێ یێ عەفرینێیە ئەو ژی 13 سالییە، ژ مەھا جۆتمەھێ ڤە 7 زارۆک ھاتنە رەڤادن.
رەڤاندنا زارۆکان بەرووڤاژی رێکەفتنا کو مەزلووم کۆبانێ فەرماندارێ هەسەدێ ل گەل ڤێرجینیا گامبا نوونەرا نەتەوێن یەکگرتی بۆ کارووبارێن زارۆکان و چەککرنا وان، د سالا 2019 دە ئیمزە کریە تێ، یەک ژ خالێن وێ رێکەفتنێ رێگریکرنا تەڤلیکرنا زارۆکان بۆ ناڤا هەسەدێ، و سەربەستبەردان زارۆکێن ژێر 18 سالی یێن کو تەڤلی بوونە، تەڤی بانگ و ھاوارا ملاباتان، ئەڤ دیاردەیا کو بەرێ ملاباتان ددە دەرڤەیی وەلات و کۆچبەریێ بەردەوام دکە.
