وەزارەتا ناڤخوەیا ترکیێ راگەھاند کو د ئۆپەراسیۆنەکا بەرفرەھ دە، ل 18 پارێزگەھێن ترکیێ و باکورێ کوردستانێ 98 کەس ب تۆمەتا ئەندامەتیا پەکەکێ و کەجەکێ ھاتن گرتن.
ل گۆر زانیاران، ئەو ئۆپەراسیۆن ب سەرپەرشتیا پشکا بەرھنگاربوونا تەرۆرێ یا گرێدایی برێڤەبەریا گشتی یا ئەولەھیا ترکیەیێ ل پارێزگەھێن ئاگری، ئانتالیا، چەولگ، بۆرسا، خارپێت، دیلۆگ، جۆلەمێرگ، کۆجا ئەلی، مێردین، مۆخلا، ئۆسمانیە، یالۆڤا، ئزمیر، سەمسوور، سێرت، ئەدەنە، رحا و کۆنیایێ ھات کرن.
وەزارەتا ناڤخوەیا ترکیێ ھەروەسا ئاماژە دا کو تەڤایا وان گرتیان ژ بۆ برێڤەبەریا پۆلیسێن ترکیێ ھاتنە شاندن و دەست ب لێکۆلینان ھاتیە کرن و دێ د دەمەکە نێزیک دە ئەنجام بێن راگەھاندن.
ژ ئالیەکی دن ڤە تیمێن پشکا بەرھنگاربوونا تەرۆرێ یێن گرێدایی برێڤەبەریا ئەولەھیا کۆنیایێ د ئۆپەراسیۆنەکێ دە کارین کەسەکی 22 سالی ب ناڤێ سوات بگرن کو پێشتر چالاکی ژ بۆ رێکخستنێن پەکەکێ و کەجەککێ کربوون.
ھەروەسا د ئۆپەراسیۆنەکا دن دە کەسەکی دن ژی ل مالا خوە ل باژارکێ ئەرەخلیێ ھات گرتن کو ل ئالمانیایێ تەڤلی ھەلکەفتەکا وێ رێکخستنێ بوویە.
