چەکدارێ پەکەکێ د سالڤەگەرا دامەزراندنا پارتیا خوە دە گولـلەیێن کەیفخوەشیێ بەردان و ژ بەر وێ چار وەلاتیێن باژارێ دربێسیێ یا رۆژئاڤایێ کوردستانێ بەر وان گولـلەیان کەتن و یەک ژ وان ژی زارۆکە.
دوھ 26/11/2023 ھەموەلاتیێن دربێسیێ ب ئاڤێتنا گولـلە و فیشەکێن زێدە راستی شۆک و ترسێ ھاتن و پشترە ژی ئاشکەرا بوو کو ئەو گولـلە و فیشەک ژ بۆ کەیفخوەشیێ یە و چەکدارێن پەکەکێ ب بۆنەیا سالڤەگەرا دامەزراندنا پەکەکێ ئاڤێتنە.
ل گۆر زانیاریێن چاپەمەنیا رۆژئاڤایێ کوردستانێ، چار وەلاتیێن باژارێ دربێسیێ ژ بەر وێ گولـلە بەردانا چەکدارێن پەکەکێ بەرکەتنە کو ناڤێن وان ژی واھایە: نەسرین محەمەد عەزیز یا تەمەن 9 سالی، حوسێن مستەفایێ تەمەن 30 سالی، لۆرین رەمەزان کالۆیا تەمەن 29 سالی و محەمەد لوئەی تۆفیقێ 18 سالی نە.
ل گۆر زانیاریان ئۆتۆمۆبیلێن ھەوارچوونێ ژ بۆ چارەسەریێ ئەو ھەرچار بریندار ژ بۆ نەخواشخانەیا قامشلۆ ڤەگوھەستنە.
دوھ ئێڤار چەکدارێن ھێزێن سووریا دەمۆکراتیک (ھەسەدێ)یا سەر ب پەکەکێ ل گەلەک باژار و باژارۆکێن رۆژئاڤایێ کوردستانێ، ب بۆنەیا سالڤەگەرا دامەزراندنا پەکەکێ (27/11/1978) گولـلە بەردان و لیستۆکێن ئاگری ل ئەسمان پێکانین.
