ھات ئاشکەرە کرن کو ل باکور و رۆژھلاتێ سووریێ کو 2 ملیۆن و 150 ھەزار کەس ژ بەر ئێریشێن ترکیێ بێ کارەبا مانە و د شەش مەھێن داوی دە زیانا ماددی ژ یەک ملیار دۆلاران دەرباس بوویە.
ل گۆری سازیا مافێن مرۆڤان یا سووریەیێ (SOHR)، د ئێریشێن ئەسمانی یێن ترکیەیێ دە، جھێن سڤیلان، بەنداڤ، سەنترالێن ئەلەکتریکێ و ئاڤاھیێن گشتی یێن وەکی شەبەکەیێن ئاڤدانێ ھاتنە رووخاندن. ھەری کێم 45 کەس مرن. ترکیەیێ د ەێ چریا پێشیێ دە ل دژی ھەرێمێن د بن کۆنترۆلا ھێزێن سووریەیا دەمۆکراتیک (ھەسەدێ) ل باکور و رۆژھلاتێ سووریێ ئێرشێن ئەسمانی دابوو دەستپێکرن.
رێڤەبەریا زەڤیێن پەترۆلێ یا رمێلانێ دەربارێ زیانێن ماددی راپۆرەک وەشاندیە. د راپۆرێ دە ھات دیارکرن کو ل باشوورێ حەسەکێ و دێرەزۆرێ باندۆرا ئێرشان ل جھێ نان چێکرن و وێستگەهێن ئاڤێ بوونە.
خەرجیێن ئاڤاکرنا نوو ل گۆری نووچەیا ئاژانسا مەزۆپۆتامیایێ، ل ھەرێمێن رێڤەبەریا خوەسەر ژ بەر کو ھندەک وێستگەهێن بەرهەمئانینا کارەبێ ب تەمامی ژ خزمەتێ کەتنە 2 ملیۆن و 150 ھەزار کەس بێ کاررەبا مانە.
د راپۆرێ دە ھات دیارکرن کو ل ھەرێمێ 13 بیرێن پەترۆلێ ھاتنە بۆمبەبارانکرن و ئەڤ ژی تێ واتەیا 35 ملیۆن و 351 ھەزار و 228 دۆلار زیانا ماددی. د 6 وێستگەهێن کۆمکرنا پەترۆلێ دە ژی 96 ملیۆن و 565 ھەزار دۆلار زرار چێبوو. لێچوونا نوو یا ئاڤاکرن و چاککرنا ناڤەندێن پەترۆلێ یێن کو بوونە ئارمانجا ئێرشان 7 ملیۆن و 500 ھەزار دۆلارن.
د راپۆرێ دە ھەر وھا ھاتیە گۆتن کو ژ بەر ئێریشان داھاتێ خەزینەیا رێڤەبەریا خوەسەر ھەری ھندک 540 ملیۆن دۆلاران کێم بوویە.
