رێخستنا په‌كه‌كێ ناسنامه‌یا چه‌كداره‌كێ خوه یێ زارۆك ئاشكه‌ره كر كو ل 2020ێ به‌رێ وی دابوو مرنێ و ژ نوو ڤه راگهاند.
هه‌په‌گێ باسكێ له‌شكه‌ری یێ په‌كێ دوهـ رۆژا سێشه‌می 28\11\2023ان ناسنامه‌یا زارۆكه‌كی كورد یێ ب ناڤێ بیرهات میرپه‌نج ئاشكه‌ره كر كو ل 23 نیسانا سالا 2020ێ ل خاكوركی ب ده‌ستێ ئارتێشا ده‌وله‌تا ترك دا یه كوشتن و ژ نوو ڤه مرنا وی ئیلان كر.
هه‌په‌گێ وه‌كه ب هه‌زاران رێهه‌ڤالێن وی، به‌رێ بیرهات كو ته‌مه‌نا وی 14 ساله دا یه مرنێ و ئیرۆ هاتیه د په‌سنێ وی ده گۆتیه مه ئه‌و ژی فه‌دایێ ئاپۆ كر.
بیرهات ژ شرنه‌خا باكورێ كوردستانێ یه، هێژان د ته‌مه‌نا زارۆكتیێ ده بوو وه‌ختا ژ هێلا په‌كه‌كێ ڤه هاتییه ره‌ڤاندن، هه‌ر د ته‌مه‌نا زارۆكتیێ ژی ده دا كوشتن.
په‌كه‌كه زارۆكێن كوردان د شه‌ره‌كێ بێ واته ده دده كوشتن و پشتره پرۆبوگاندایێ ب خوینا وان دكه، خوینا زارۆكێن كوردان ل وێ ده‌می ل جه‌م په‌كه‌كێ ب روومه‌ت دبه وه‌ختا كو ژ بۆی ئاپۆ بێ رژاندن، به‌روڤاژی خوینا چ زارۆكێن كورد ل جه‌م ڤێ رێخستنا كوردكورژ واته‌یا خوه تونه.
