کۆنفەرانسا COP28 ل سەر گوهەرینا کەشوهەوایێ ئیرۆ ل دوبه‌ی دەست پێ کر و سەرۆکێ هەرێمێ و سەرۆکوەزیرێ هەرێما کوردستانێ تێ دە بەشدار دبن.
هات راگهاندن «سەرۆکێ هەرێما کوردستانێ نێچیرڤان بارزانی و سەرۆکوەزیر مەسروور بارزانی ب ڤەخوەندنەکە فەرمی بەشداری کۆنفەرانسا COP28 دبن».
52 سالیا دەولەتبوونا ئیماراتێ کو هەڤدەمە ل گەل دەستپێکرنا کۆنفەرانسێ، دێ ل دوبه‌ی وەرە ببیرانین، سەرۆک و سەرۆکوەزیرێ هەرێما کوردستانێ ژی دێ بەشداری وێ مەراسیمێ ببن.
دیاردەیا گوهەرینا کەشهەوایێ قەیرانەک جیهانیە کو سینۆرێن ناڤدەولەتی دەرباس دکە. ل گۆری شارەزایان، پێویستیا وێ ب هەڤکاریا ناڤدەولەتی و هەولێن یەکگرتی یێن هەمییان هەیە.
COP28 ئیرۆ 30 مژدارا 2023ان، د بن چاڤدێریا سەکرەتەریا گشتی یا نەتەوێن یەکگرتی دە ل ئیماراتێ دەست پێ دکە. روونشتنا یەکەما COP28 د ئادارا 1995 دە ل بەرلینێ، ئالمانیا هاتبوو کرن.
د کۆنفەرانسێ دە، ب دەهان وەلات دێ ل سەر چاوانیا رووبرووبوونا گوهەرینا کەشووهەوایێ، کێمکرنا گازێن ژەهراوی و سینۆردارکرنا گەرماهیا گلۆبال گۆتووبێژان بکن، ب ئارمانجا گهیشتنا ب پەیمانەکێ.
