چاپەمەنییا ترکییێ راگھاند کو میتێ محەمەد ئاکن یێ ب کۆدناڤ “ھاروون عەگید” یێ پەکەکێ ل باشوورێ کوردستانێ، ل جھێ کو ئۆپەراسیۆنێن پەنچەیێ ددۆمن کوشتیە.
ل گۆر ئاگاھیێن کو ئاژانسا فەرمی یا دەولەتا ترکیێ ئانادۆلویێ ژ چاڤکانیێن ئەولەکاریێ وەرگرتنە، ل ئاڤاشین یا ل باشوورێ کوردستانێ محەمەد ئاکن یێ کو ژ ھێلا رێخستنێ ڤە د وارێ تێکدانێ دە ھاتیە پەروەردەکرن، د ئێریشێن دژی ھێزێن چەکدارێن ترک دە بەشدار بوویە.
ئاکن یێ کو ژ لایێ دادگەریا سزایێ سولحێ یا سێیەمین یا ئەدەنەیێ ژ بەر تاوانا “ئەندامەتیا د رێخستنا تەرۆرێ یا چەکدار دە” د دەرحەقێ وی دە قەیدا لێگەرینێ ھاتیە دایین، ل باشوورێ کوردستانێ ل جھێ کو ئۆپەراسیۆنێن پەنچەیێ لێ ددۆمن، ئامادەکاری دکر کو ئێریشی بارەگەھێن عەسکەری بکە.
ل گۆر راگھاندنا ئاژانسا ئانادۆلویێ، محەمەد ئاکن خوە ل خاکورکێ ڤەشارتیە و ب ئۆپەراسیۆنا میتێ ھاتیە کوشتن.
