دو چەکدارێن پەکەکێ یێن بسپۆر د وارێ دانینا مایین و تەقەمەنیان دە بوونە قوربانیێن مایینێن وان ب خوە ل ئاقارێ گوندێ بێشیلێ یێ ل بنارا چیایێ مەتینا ل سینۆرێ دەڤەرا بەرواری بالا، داناین.
چاڤکانیێن پێگەها دارکا مازی ئەشکەرە کرن، چەکدارێن پەکەکێ هەژمارەک هەری زێدە یا مایینان ل ئاقارێ گوندێ بێشیلێ داناینە، د رۆژا 6/10/2023 دە یەک ژ وان مایینان ب دو چەکدارێن پەکەکێ ڤە دتەقە و د ئەنجام دە یەک تێ کوشتن و یێ دن ژی ب گرانی بریندار دبە.
چاڤکانیێن مە تەکەز کرن، ناڤێ چەکدارێ پەکەکێ یێ کو هاتیە کوشتن چاڤرێ جوودی یە، 27 سالی بوو و ژ باژارێ سلۆپی یێ باکورێ کوردستانێ بوویە، د زارۆکاتیا خوە دە تەڤلی رەفێن پەکەکێ بوویە، پلەیا بەرپرسێ یەکینەیەکا چەکداران هەبوویە و پەکەکێ دخوەست وی بشینە چیایێ جوودی.
هەر وەها چەکدارا ب ناڤێ زیلان هێشەتی بریندار بوویە، تەمەنێ وێ 23 سالن، ژ شێنیێن سێرتێ یا باکورێ کوردستانێ یە، ئەڤ ژی د تەمەنێ زارۆکاتیا خوە دە هێژان نەگهایە 14 سالیێ تەڤلی رەفێن پەکەکێ بوویە.
ل گۆر ئاگاهیان، ئەڤ هەر دو چەکدارێن پەکەکێ بسپۆر بوونە د دانینا مایین و تەقەمەنیان دە.
