حکوومەتا ترکیێ کوشتنا دو چەکدارێن په‌كه‌كێ ل مێردینێ رادگهینە کو یەک ژ وان بەرپرسە ب ناڤێ ئۆرهان ئالما كو د لیستا ره‌نگ سۆر یا داخوازكریان یا ده‌وله‌تێ ده تۆمار كری یه.
وەزیرێ ناڤخوەیێ ترکیەیێ عه‌لی یەرلیکایا راگهاند، ل دۆرووبەرا گوندێن باژارۆکێ کەربۆرانێ یێ سەر ب مێردینێ ڤە، هێزێن ئەولەهیێ ب گومانا کو دو چەکدارێن په‌كه‌كێ تێ دە هەنە، کەتنە پەی ئۆتۆمۆبیلەکێ و ل دژی وان دەست ب ئۆپەراسیۆنێ کرنە.
ل گۆر داخویانیا وەزیرێ ناڤخوە، د دەما ئۆپەراسیۆنێ دە هەر دو چەکدارێن په‌كه‌كێ تەقە ل هێزێن ئەولەهیێ کرنە و د ناڤبەرا وان دە شەر دەرکەتیە. پشترە دا کو نەیێن گرتن، وان ئۆتۆمۆبیلا کو تێ دە بوونە تەقاندنە و هەر دو چەکدارێن په‌كه‌كێ جانێ خوە ژ دەست دانە.
عه‌لی یەرلیکایا ناسنامەیا چەکدارەکی ئاشکەرە کر کو ناڤێ وی ئۆرهان ئەلما یێ ب ناسناڤێ «رۆدی هایری» یە و د لیستا سۆرا تەرۆرێ یا داخوازکری یا وەزارەتا ناڤخوە یا ترکیەیێ دە تۆمار کرییە.
