ب سەدەما ئێریشا ترکیێ ولاتیەک ل بامەرنێ شەهید کەت و یەکە دن ژی بریندار بوو

بالەفرێن لەشکەرێ ترکیێ ناحیا بامەرنێ یا سەر ب ئامێدیێ ڤە بۆمبەران کر، و ب ڤێ سەدەمێ ولاتیەکێ جانێ خوە ژ دەست دا و یەکە دن ژی بریندار کەت.

ئیرۆ رۆژا سێشەمیێ 05-12-2023، ساعەت 07:00، بالەفرێن شەر یێن ترکیێ ناڤەندا ناحیەیا بامەرنێ یا سەر ب قەزایا ئامێدیێ ڤە بۆمبەباران کر، ب ڤێ سەدەمێ ولاتیەک شەهید کەت و یەکە دن ژی بریندار بوو.

ناڤێ ولاتیێ بریندار بووی مەتین سەدیقە کو شڤانە و ژ بۆی چەراندنا پەزێ خوە دەرکەتبوو چۆلێ، تیمێن ساخلەمیا بامەرنێ سەدیق راکرن نەخوەشخانەیا هاوارهاتنا دوهۆکێ و د نها دە رەوشا وی جێگیرە، وولاتیێ شەهید کەتی ژی ژ شێنیێن باتووفا یا سەر ب زاخۆیێ یە.

ل گۆر ئاگاهیان، ئەڤ جارا یەکەمە بالەفرێن شەر یێن ترکیێ ب ڤێ نزیکاتیێ دەردۆرا بامەرنێ بۆمبەباران دکن.