ناسنامه‌یا 6 كه‌چێن كوردان كو د ناڤا په‌كه‌كێ ده 5 سالان به‌رێ هاتنه كوشتن ژ نوو ڤه ئاشكه‌ره بوو و په‌كه‌كه د په‌سنێ ده دیسا وان ب فه‌دا نه ژ بۆی كوردستانێ به‌لكو ژ بۆی زلامێ میتێ یێ ل ئیمرالیێ دبینه.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا پێنجشه‌می 7/12/2023ان ناسنامه‌یا 6 كه‌چێن كورد دو ژێ زارۆك ئاشكه‌ره كر كو ل سالا 2018ان ل خاكوركی كه‌تنه به‌ر ئێریشێن ده‌وله‌تا داگیركه‌ر و ژ نوو ڤه مرنا وان ئیفشا كر.
هه‌په‌گێ د په‌سنێ ڤان كه‌چێن كوردان ده كو 5 سالان مرنا وان ڤه‌شارتی هشتبوو و مالباتێن وان ت ئاگاهی ل سه‌ر وان نه‌گرتبوون، دبێژه: «ئه‌و ملیتانێن ئاپۆیی بوون، فه‌دایێ ئاپۆ بوون»!.
په‌كه‌كه هه‌ر رۆژ وێنه‌یێن كۆمێن كه‌چێن كوردان د مه‌دیایا خوه ده پارڤه‌دكه، كه‌چێن كو به‌رێ وان دایه مرنێ و مرنا وان ب سالانه ڤه‌شارتی مایه، ل گۆری وه‌نداهییان كو ئاشكه‌ره دبن، خوه‌یا دبه كو چ ده‌وله‌تێن داگیركه‌ر و چ دژمنێن كوردان ب قاسی په‌كه‌كێ كه‌چێن كوردان نه‌كوشتنه و بێ ماف و بێ روومه‌ت نه‌كرنه.
