رێخستنا تەندورستیێ یا جیھانێ (WHO) ئامادەبوونا خوە ژ بۆ ئالیکاریا بریندارێن بوویەرا شەواتا ل سۆرانێ نیشان دا.
جێبەجێکارێ کارووبارێن رێخستنا تەندورستیێ یا جیھانێ ل ئیراقێ وایل حەتاحت ل سەر بوویەرا شەواتا ئاڤاھیەکێ ل سۆرانێ، پەیوەندی ب وەزیرێ تەندروستیێ یێ ھەرێما کوردستانێ سامان بەرزنجی کر.
حەتاحت سەرساخی ل مالباتێن قوربانیێن بوویەرا سۆرانێ کر و ئامادەھیا رێخستنا تەندورستیێ یا جیھانی ژی ژ بۆ دابینکرنا پێدڤیێن بزیشکی ژ بۆی برینداران نیشان دا.
ژ ئالیێ خوە ڤە ژی ، سامان بەرزنجی سپاسیا ھەڤاھەنگیا رێخستنا تەندورستیێ یا جیھانی کر و ھێڤی خواست کو خوەدێ گیانێ قوربانیان ب بھەشتێ شاد بکە و ھێڤیا باشبوونا زوو ژ بۆی برینداران خواست.
دوھی ئێڤارێ 8 بەرچلەیا 2023 ئاگر ب ئاڤاھیەکە ل باژارێ سۆرانێ کەت و تێ دە 14 خوەندەکار، مامۆستا و وەلاتیێن دن جانێ خوە ژدەست دان و چەند کەسێن دن ژی بریندار بوون.
