په‌كه‌كێ ناسنامه‌یا 3 چه‌كدارێن دن یێن رێخستنێ یێك 5 سالان به‌رێ هاتیه كوشتن ئاشكه‌ره كر و گۆت وان ل سه‌ر بنگه‌ها فه‌لسه‌فا ئاپۆ شه‌ر كر و خوه فه‌دا كرن!.
هه‌په‌گێ باسكێ له‌شكه‌ری یێ په‌كه‌كێ وه‌كه هه‌ر رۆژ ل رۆژێن 8 و 10\12\2023ان ژی ناسنامه‌یا 3 چه‌كداران ئاشكه‌ره كر كو ل سالا 2018ێ و تیرمه‌ها ئیسال 2023ێ ل ل هه‌رێما به‌ستا یا باكورێ كوردستانێ و هه‌ر وها ده‌ڤه‌را زاپێ یا ل باشوورێ كوردستانێ كه‌تنه به‌ر ئێریشێن ده‌وله‌تا ترك و هاتنه كوشتن.
هه‌په‌گێ خوینا ڤان 3 جوانان ژی ب فه‌دا ژ بۆی ئاپۆ دبینه و دبێژه ئه‌و ل سه‌ر بنگه‌ها فه‌لسه‌فا ئاپۆ ته‌ڤلی بوون و ل سه‌ر وێ خه‌تێ شه‌ر كرن و خوه فه‌دا كرن!.
په‌كه‌كه هه‌ر رۆژ وێنه‌یێن كۆمێن جوانێن كوردان د مه‌دیایا خوه ده پارڤه‌دكه، جوانێن كو ل سال و مه‌هێن به‌رێ د شه‌رێ خوه یێ بێ ئه‌نجام ده فه‌دا كرین و هێژان مرنا وان ڤه‌شارتی مایه.
