رێخستنا جوانێن شۆرەشگەر یێن سەر ب پەکەکێ ڤە، ل تاخا موفتی یا باژارێ حەسەکێ، زارۆکەکی تەمەن بچووک ب ئارمانجا تەڤلیکرنا ناڤا رەفێن پارتیێ دە رەڤاندن.
ل گۆری تۆرا چاڤدێریا مافێن مرۆڤان یا سووریێ، رێخستنا جەوانێن شۆرەشگەر د 28 مژدارا 2023 دە زارۆکێ ب ناڤێ ئەحمەد عەدنان حەسەن یێ 13 سالی ژ تاخا ئەل-موفتی رەڤاند و ئەشکەرە کر کو دەما ژ دبستانا دەھام بۆزۆ یا ل ھەرێما زاحیە یا گرێدایی تاخا ئەل-موفتی دەردکەت ھاتیە رەڤاندن.
د ھەمان چارچۆڤەیێ دە، تۆرا سووری یا چاڤدێریا مافێن مرۆڤان د داخویانیەکێ دە دەربارێ بوویەرا رەڤاندنێ دە، داخواز ژ رێخستنێن ناڤدەولەتی و جڤاکا ناڤدەولەتی کر کو ب ئەرکێن خوە رابن و داویێ ل ڤان بنپێکرنان بینن.
فەرماندارێ هەسەدێ مەزلووم کۆبانێ، د سالا 2019 دە ل گەل ڤێرجینیا گامبا نوونەرا نەتەوێن یەکگرتی بوو کارووبارێن زارۆکان، پەیمانەک ئیمزە کریە، کو ئێدی زارۆکان تەڤلی ھێزێن خوە نەکە و یێن د ناڤ دە سەربەست وەرن بەردان، لێ تا نھا چ پابەندی ب پەیمانێ نەھاتیە کرن، و رەڤاندن و لەشکەرکرنا زارۆکان بەردەوامن.
رێخستنا جوانێن شۆرەشگەر یا سەر ب پەکەکێ ڤە بەردەوام ب ئارمانجا چەکدارکرنا زارۆکان د ناڤا رەفێن پەکەکێ دە زارۆکا دخاپینە و وان درەڤینە، بێی کو چ گرینگیەکێ ب مافێن زارۆکان و رەوشا مالباتێن وان بدە.
چەتەیێن ب ناڤێ “جوانێن شۆرەشگەر” راستەراست فەرمانان ژ قەندیلێ دستینن و دبن سەیوانا رێڤەبەریا خوەسەر یا پەیەدێ دە بەردەوامیێ ب چالاکیێن خوە یێن رەڤاندنا زارۆکان و گەفخوارنا ل جوانێن رۆژئاڤایێ وەلاتی یێن کو نە لگەل پەکەکێ نە، ددە.
