دەزگه‌ها خێرخوازیا بارزانی 500 پاکێتێن خوارنێ ب سەر مالباتێن کێمداهات يێن شنگالێ دە دابەش کرن و دیاریێن جەژنێ ژی پێشکێشی زێدەتری 270 زارۆکێن سێوی کرن.
بەرپرسێ ئۆفیسا شنگالێ یا دەزگەها خێرخوازیا بارزانی، شێرۆ سمۆ ژ ک24ێ رە راگهاند، دەزگەهێ ب بۆنەیا جەژنا رۆژیا ئێزدیان، 500 پاکێتێن خوارنێ ل سەر مالباتێن کێمداهات يێن شنگالێ بەلاڤ کرن.
شێرۆ سمۆ ئاماژە ب وێ ژی کر، دەزگەهێ هەروه‌ها دیاریێن جەژنێ ژی پێشکێشی زێدەتری 270 زارۆکێن سێوی یێن ناڤچەیا شنگالێ کرن.
جەژنا سەرسالێ یان ژی چارشەما سۆر و جەژنا رۆژیا ئێزدیان، دو جەژنێن کوردێن ئێزدینە و ئێزدی ل هەر دەرێ جیهانێ بن، جەژنێن خوە پیرۆز دکن.
