هەڤسەرۆکێ پارتیا هەرێمێن دەمۆکراتیک (ده‌به‌په) یێ ناڤچەیا ئیسلاحیەیێ یا دیلۆکێ، ل پارێزگەها سەمسوورێ یا باکورێ کوردستانێ هات دەستەسەرکرن.
تیمێن فەرمانداریا جەندرمەیانا سەمسوورێ ئیرۆ د چارچۆڤەیا بریارا سەردۆزگەریا کۆمارێ یا سەمسوورێ دە ب سه‌ده‌ما «ئالیکاریا په‌كه‌كێ» هەڤسەرۆکێ ده‌به‌پێ یێ ئیسلاحیەیێ زەکی ماناس دەستەسەر کر.
جەندرمەیان زەکی ماناس ژ بۆ کارێن ئیفادەوەرگرتنێ بر فەرمانداریا جەندرمەیان یا سەمسوورێ.
تیمێن ئەولەهیێ پشتی کارێن ئیفادەیێ ماناس ڤەگوهاست دادگەها سەمسوورێ.
ل ترکیە و باکورێ کوردستانێ، هێزێن ئەولەهیێ رۆژانە ب سەر مالان دە دگرن و كه‌سێن كو ئالیكارییا په‌كه‌كێ دكن دەستەسەر دکن.
