پارتیا کارکەرێن کوردستانێ (پەکەکێ) دەستوورا پارتیێ ل سەر رۆژئاڤایێ کوردستانێ سەپاند، لێ د وێ دەستوورێ دە ب یەک پەیڤێ ژی ناڤێ کوردستانێ ناینە. چاڤدێر ژی دبێژن ئەڤە ژی بەلگەیەکا دنە کو پەکەکە کوردستانێ ناسناکە.
دوھ پەکەکێ ل رۆژئاڤایێ کوردستانێ دەستوورا پارتیێ یا ژ 134 مادەیان پێکتێ بەلاڤ کر، ژ بۆ وێ ژی گەلەک بەرتەکێن جودا چێبوون. ب تایبەت ژی ژ بەر دەستوورا پەکەکێ د ت پرۆسەیەکی ئۆفیسێن دەستووری یێن ل گۆر زانستا سیاسی رە دەرباس نەبوویە، د دانانا دەستەیەکا گشتی د ناڤ جڤاکێ بۆ نڤیساندنا رەشنڤیسا دەستوورێ و پشترە وەرگرتنا تێبنیێن خەلکێ و دەرڤەیی وێ ژی راپرسی کرنا ل سەر دەستوورێ نەبوویە. ئانکو پەکەکێ ب خوە دەستوور نڤیساندیە و ل سەر خەلکێ سەپاندیە و بانگەشەیا وێ یەکێ ژی دکە کو خوەدێ گراوی ئەنجوومەنەکی یاسادانانێ دەستوور نڤیساندیە، ناڤێ وێ ژی دانینە دەستوورا ھەرێما باکور و رۆژھلاتێ سووریێ.
د ڤێ دەربارێ دە ئەندامێ ئەنجوومەنا نشتمانی یا کورد ل سووریێ (ئەنەکەسێ) جیدان عەلی راگەھاند، ئەو دەستوورا ژ بۆ رۆژئاڤایێ کوردستانێ تێ بەحس کرن، دەستوورا پەکەکێ یە و د رێیێن یاسایی دا دەرباس نەبوویە، تەنێ دەستوورەکا پەکەکێ یە یا کو ژ بۆ کانتۆنێن رۆژئاڤایێ کوردستانێ دانیە و راگەھاند: “ئەڤ مژارە تەنێ ژ بۆ مژوولکرنا کەسێن خوەیە کو ب سالانە مژارەکا وەھا ژ بۆ وان دبینن. ئەڤە چەندین مەھن بەحس دکن، د راستیێ دە ئەو دەستوور نە ژ بۆ کوردانە نە ژ بۆ سووریێ یە، تەنێ دەستوورا پەکەکێ یە بۆ رۆژئاڤایێ کوردستانێ و نە چ تشتەکی دنە. ئیسپات ژی دکە کو پەکەکە کوردستانێ ناس ناکە.”
