وێنەیا 6 رێبەر، سەرۆک و کەساتیێن دیرۆکی یێن کورد ل برجێن دیاربەکرێ هاتە دالقاندن.
شەڤا بۆری پانکارتەک کو تێ دە وێنەیێ شه‌ش رێبەر و کەساتیێن دیرۆکی یێن کورد یێن وەکی دامەزرێنەر و سەرۆکۆمارێ کۆمارا کوردستانێ قازی محەمەد، رێبەرێ سەرهلدانا 1925ان شێخ سەعید ئەفەندی، رێبەرێ سەرهلدانا دێرسمێ سەیید رزا، بیرمەند و یەک ژ پێشەنگێن سەرهلدانێن کۆچگری و دێرسمێ دکتۆر نووری دێرسمی، ژنا شۆرەشگەر لەیلا قاسم و رەوشەنبیرێ دیارێ کورد مووسا ئانتەر هاتە دالەقاندن.
د بن وێنەیا هەر شه‌ش سەرۆک، رێبەر و کەساتیێن دیار یێن کورد دە درووشما «ئەز کوردم، نەمرم» هاتبوو نڤیسن.
پشتی دالقاندنا وێنەیا رێبەر و کەساتیێن کورد ب برجێن دیاربەکرێ ڤە، وێنە و ڤیدیۆیا دالقاندنێ ب ئاوایەکی بەرفرەهـ ل تۆرا جڤاکی هات پارڤەکرن.
ئەڤ یەک د دەمەکێ دە یە، بەری چەند رۆژان شارەداریا دیاربەکرێ ناڤێ شێخ سەعید ل بولڤارەکی دانیبوو و ئالیێن نیژادپەرەستێن ترکیەیێ ژی نەرازیبوون نیشان دابوون و سڤکاتی ل شێخ سەعید کربوون.
