د ئەنجاما ئێریشێن دەولەتا ئۆسمانی و بەرخوەدانا گەلێ کوردستانێ دە، دەولەتا ئۆسمانی د رۆژا 14ێ چلەیا پێشین یا 1914ان دە ل مووسلێ ل بەر چاڤێن مەلا مستەفا بارزانییێ نەمرێ کو وێ گاڤێ 11 سالی بوو و ل بەر چاڤێن گەلێ کورد، رێبەرێ نەتەوی، نشتیمانی، ئۆلی و جڤاکی شێخ عهبدولسەلام بارزانی دارڤە کر.
بەلێ شێخ عهبدولسەلام بارزانی هاتە دارڤە کرن. لێ شێخ عهبدولسەلام بارزانی سەرێ خوە نەتەواند. ئەو ئالایا تێکۆشینێ یا ب روومەت یا کو شێخ عهبدولسەلام بارزانی تەسلیمی گەلێ کورد کر نەکەت عەردێ، تێکۆشینا گەلێ مە رانەوەستییا.
تێکۆشینا گەلێ مە ب سەرۆککۆمارییا پێشەوا قازی محەمەد، ب راگهاندنا کۆمارا کوردستانێ گهیشتە ئاستەکە بلند. ئالایا کوردستانێ یا کۆمارا کوردستانێ ل مەهابادێ ل مەیدانا چارچرایێ ل با دا.
ئەو ئالایا تێکۆشینێ یا ب روومەت، ئەو ئالایا رەنگین یا کو پێشەوا قازی محەمەد تەسلیمی مەلا مستەفا بارزانییێ نەمر کر ئیرۆ ل باشوورێ کوردستانێ، ل سەر پارلامەنتۆیا دەولەتا فەدەرال یا هەرێما کوردستانێ ل با دبە.
ئەو بەرخوەدان و تێکۆشین و سەریهلدانا ب روومەت یا نەتەوی و نشتمانی یا شێخ عهبدولسەلام بارزانی، ئیرۆ ل هەر چار پەرچەیێن کوردستانێ ژی د ئاستێن جودا جودا دە ژ ئالییێ گەلێ مە ڤە بەردەوامە.
ئەم د 109ەمین سالڤەگەرا ئیدامکرنا وی دە، رێبەر و سەرۆکێ گەلێ کوردستانێ شێخ عهبدولسەلام بارزانی ب رێزداری ببیر تینن.
14.12.2023
بورۆیا راگەهاندنێ یا پارتییا وەلاتپارێزێن کوردستانێ
