سەرۆکێ ئیێ پارتی یێ پارێزگەھا دیاربەکرێ ڤەژدین ئەنسارۆغلو راگهاند، ئەم دێ لگەل 12 ھەزار و 750 ئەندامێن خوە ژ ئیی پارتیێ ئیستیفا بکن.
ئیێ پارتی پارتیەکا نیژادپەرەست و دژکوردە. سەرۆکا وێ مەرال ئاکشەنەر وەختا د سالێن 90 دە وەزیرا ناڤخوەیی یا ترکیێ بوو قرا کوردان ئانیبوو و ب بریارێن وێ و سەرۆکوەزیر تانسوو چیلەر زێدەیی 17 ھەزار کوردێن وەلاتپارێز ب ناڤێ “فایلێن نە دیار” دابوون کوشتن. لێ دیسا ژی کورد دبن ئەندامێن ڤێ پارتییا نیژادپەرەست و دیرۆکا خوە زوو ژ بیر دکن.
پشتی نیقاشێن ل سەر مژارا شێخ سەعید، ئیێ پارتیێ وەکیلێ خوەیێ کوردێ ئامەدێ م. سالم ئەنسارۆغلوو دابوو دسپلینێ. پشتی ڤێ بریارێ ئەنسارۆغلوو گۆت کو “شێخ سەعید روومەتا مەیە، ئەز نکارم د ڤێ دەربارێ دە بێدەنگ بمینم” و دەست ژ پارتیا خوە کێشا.
ھەلوەستا ئیی پارتیێ و دەست ژ کار کێشانا م. سالم ئەنسارۆغلوو بوو سەبەب کو ل ئامەدێ ئەندامێن ئیی پارتیێ دەستڤ ژێ بەردن و ژێ ئیستیفا بکن.
پشتی دەست ژ کار بەردانا پارلامەنتەرێ ئیی پارتیێ سالم ئەنسارۆگلو، کورێ وی ڤەژدین ئەنسارۆغلوو (سەرۆکێ ئیی پارتی یێ پارێزگەھا دیاربەکرێ) داخویاند کو ئەو دێ تەڤی 12 ھەزار 750 ئەندامێن خوە ژ ئیی پارتیێ ئیستیفا بکن و دەست ژێ بەردن.
