كه‌چ و خۆرتێن كو ل سالێن به‌رێ رێخستنا په‌كه‌كێ به‌رێ وان دا يه مرنێ و مرنا وان ڤه‌شارتی هشتی رۆژانه ئاشكه‌ره دبن، هه‌ری داوی مرنا فه‌رمانداره‌كه یه‌ژا-ستارێ و 5 چه‌كداران ئاشكه‌ره بوو.
هه‌په‌گێ باسكێ له‌شكه‌ری یێ په‌كه‌كێ وه‌كه هه‌ر رۆژ ل رۆژێن 13، 14 و 15 ڤێ مه‌هێ ناسنامه‌یا 6 چه‌كدارێن خوه ئاشكه‌ره كر یێك ژێ 4 سالان به‌رێ ب ده‌ستێ ئارتێشا ده‌وله‌تا ترك هاتیه كوشتن و ژ نوو ڤه مرنا وان ئیفشا بوو.
وه‌كه ب هه‌زاران جوانێن كوردان یێن كو په‌كه‌كێ د ڤێ به‌رخوه‌دانا ساخته ده فه‌دا كرین، د په‌سنێ ڤان 6 كه‌چ و خۆرتان ده ژی دیسا په‌كه‌كه هاتیه و گۆتیه ژ بۆی ئاپۆ فه‌دا بن.
ل گۆری ئاگاهیێن «داركا مازی» ب سه‌دان جوانێن كوردان یێن كو په‌كه‌كێ ل سال و مه‌هێن به‌رێ د شه‌رێ خوه یێ بێ ئه‌نجام ده فه‌دا كرین مانه و هێژان مرنا نه‌هاتیه راگهاندن.
