ئیرۆ رۆژا ئالا کوردستانێ یە

رۆژا 17ێ بەرچلە وەک رۆژا ئالا کوردستانێ هاتیە دیارکرن، هەر سال ئەڤ رۆژ ب بلندکرنا ئالای و مەراسیمێن تایبەت ل سازیێن فەرمی و جهێن گشتی تێ پیرۆزکرن.

هەر چەندە پێشتر ژی ئالا کوردستانێ ژ ئالیێ چەند پارتی و رێخستنان ڤە هاتبوو بلندکرن، لێ بەریا دامەزراندنا کۆمارا کوردستانێ ل مەهابادێ، د 17ێ بەرچلەیا 1945ان دە، یەکەم جار ئالا کوردستانێ ب فەرمی ل سەر شارەداریا مەهابادێ هات بلندکرن.

د 22ێ چلەیا 1946ان دە ژی، کۆمارا کوردستانێ هات راگهاندن و ئالا کوردستانێ ل سەر سازیێن فەرمی یێن کۆمارێ هات بلندکرن و ئەو رۆژ د دیرۆکا سیاسی یا گەلێ کورد دە، وەکە قۆناغەکە گرینگ تێ دیتن.

پشتی 59 سالان، د 19/6/2009ان دە، پارلامەنتۆیا کوردستانێ ب یەکدەنگی رۆژا 17ێ بەرچلە، وەک رۆژا ئالا کوردستانێ راگهاند.

واتە و سەمبۆلێن رەنگێن ئالا کوردستانێ:

رەنگێ سۆر: شۆرەش، خوینرژاندنا د شەر دە، وێرەکی، هێز، وەکهەڤی.

رەنگێ زەر: رۆناهی، مۆرال، ئاگر.

رەنگێ سپی: ئاشتی، ئارامی، ئاگربەست.

رەنگێ کەسک: کەسکاهی، وەلات، پاراستن.