پارتییا وەلاتپارێزێن کوردستانێ (PWK) پەیامەک ب بۆنەیا رۆژا ئالا کوردستانێ بەلاڤ کر و تێ دە راگهاند، «ئەڤ ئالایا کوردستانێ، وەک نرخەکە نەتەوەیی ئەڤە ژ 100 سالی زێدەترە کو وەک ئالایا کوردستانێ تێ قەبوولکرن».
پەیاما بورۆیا راگەهاندنێ یا پارتیا وه‌لاتپارێزێن كوردستانێ:
رۆژا ئالایا کوردستانێ پیرۆز بە
17ێ چلەیا پێشین رۆژا ئالایا کوردستانێ یە.
ئالایا کوردستانێ یا کو ئیرۆ هاتیە قەبوولکرن، د 1920ی دە ژ ئالی تەشکیلاتی ئیجتیمائی یە جەمییەتی یا کوردان ڤە ب بریارەکێ هاتییە قەبوولکرن.
ئەڤ ئالایا، ژ خەتێن سۆر، سپی و کەسکێ و ل سەر خەتا سپی ژ رۆژێ پێک هاتییە.
د 1927ان دە ئەو ئالایا کو د 1920ێ دە هاتبوو قەبوول کرن، ژ ئالیێ خۆیبوونێ ڤە ل چیایێ ئاگرییێ هاتە بلند کرن.
ئالایا کوردستانێ د 1932ێ دە ل سەر هەردو بەرگێن هاوارێ، نوو: 11 (10 چریا پاشین 1932) ب رەنگین هاتییە چاپکرن.
پارتییا دەمۆکراتا کوردستانا ئیرانێ، ئەو ئالایا وەک ئالایا کوردستانێ قەبوول کر. پێشمەرگەیێن پارتییا دەمۆکراتا کوردستانا ئیرانێ د رۆژا 17یێ چلەیا پێشینا یا 1945ان دە، ل باژارێ مەهابادا رۆژهلاتێ کوردستانێ، ئالایا ئیرانێ ژ سەر ئاڤاهییا شارەوانییا مەهابادێ راکرن، ئالایا کوردستانێ ل سەر ئاڤاهیێ ڤە دارڤە کرن.
دەولەتا کۆمارا کوردستانێ ئالایا کوردستانێ وەک ئالایا کۆمارا کوردستانێ (کۆمارا مەهابادێ) ب هنەک گوهەرتنێن بچووک قەبوول کر. بەرییا کو کۆمارا کوردستانێ برووخە، پێشەوا قازی موحەممەد ئالایا کوردستانێ یا کۆمارا کوردستانێ ددە مەلا مستەفا بارزانیێ نەمر و وەها دبێژە: “ڤێ ئالایا کوردستانێ ل بال خوە بپارێزە! ئومیدوارم هوونێ نەهێلن ئەڤ ئالایا هه‌نێ بکەڤە ئەردێ”.
پارلامەنتۆیا هەرێما کوردستانێ، وێ ئالایا کو د 1920ێ دە هاتبوو ئامادە کرن ئەساس گرت و د رۆژا 11یێ مژدارا 1999ان دە، 17یێ چلەیا پێشین وەکە رۆژا ئالایا کوردستانێ ئیلان کر.
ئەڤ ئالایا کوردستانێ، وەک نرخەکە نەتەوەیی ئەڤە ژ 100 سالی زێدەترە کو وەک ئالایا کوردستانێ تێ قەبوول کرن.
ئەڤ رۆژ رۆژا کو ب هەستێن نەتەوەیی، نشتمانی لێخوەدی دەرکەتن و هلدانا ئالا کوردستانێ یە. دڤێ ئەڤ ئالا ژبۆ هەموو کوردستانیێن جیهانێ وەک ئالایا کوردستانێ بێ قەبوول کرن.
ئەم رۆژا ئالایا رەنگین یا ب روومەت پیرۆز دکن.
17.12.2023
بورۆیا راگەهاندنێ یا پارتییا وەلاتپارێزێن کوردستانێ
