دەمژمێر 7:00ان هلبژارتنێن ئەنجوومەنێن پارێزگەهانێن ئیراقێ دەست پێ کرنه.
ل ئیراقێ پشتی هلبژارتنێن 2013ان ئەڤ جارا یه‌كه‌مه هلبژارتنێن ئەنجوومەنێن پارێزگەهان تێن کرن.
هلبژارتن ل 14 پارێزگەهێن ئیراقێ و کەرکووکێ تێن کرن کو پشتی سالا 2005ان ئەڤ جارا یه‌كه‌مه ئەڤ هلبژارتن ل کەکووکێ تێن کرن.
نێزیکی 6 هەزار بەربژێران ژ بۆ 285 کورسیان رکابەریێ دکن و مافێ دەنگدانێ یێ 15 ملیۆن و 108 هەزار و 135 کەسان هەیە.
ل هەزار 166 ناڤەندێن دەنگدانێ 35 هەزار و 553 سندۆق هاتنە دایین و دێ خەلک هەتا سائەت 18:00ان کاربە دەنگێ خوە بدە.
ب رێیا ڤان هلبژارتنان پارێزگار تێن هلبژارتن، رێڤەبەریێن پارێزگەهان تێن کۆنترۆلکرن و بودجەیا کو ژ بۆ پرۆژەیان تێ ڤەقەتاندن تێ پەسەندکرن.
ئیرۆ ل 15 پارێزگەهان ژ بۆ 285 کورسیان هلبژارتن تێن کرن.
75 کورسی کۆتایا ژنانن، هەروها 10 کورسی ژی ژ بۆ پێکهاتەیێن خرستیان، کوردێن شەبەک، کوردێن ئێزدی، کوردێن فەیلی و سائیبەیا مەندائییان هاتنە ڤەقەتاندن.
38 هەڤپەیمانی و 28 پارتی بەشداری هلبژارتنان دبن. ب تەڤاهی 5 هەزار و 904 بەربژێر هەنە کو 70 ژ وان سەربخوەنە.
هلبژارتن دێ ب رێیا 206 هەزار و 438 کارمەند و 111 هەزار و 714 کامەرایان وەرن کۆنترۆلکرن.
کۆمیسیۆنا بلندا سەربخوە یا ئیراقێ راگهاند کو دێ ئیرۆ دەمژمێر 06:00ان سندۆق وەرن گرتن.
24 سائەتان پشتی گرتنا سندۆقان دێ ئەنجامێن دەستپێکێ وەرن راگهاندن.
