ل گۆری ئیدیعایا مەدیایا فەرمی یا ترکیەیێ، رۆنی وەلات به‌رپرسێ په‌كه‌كێ یێ ل دێرەزۆرێ د ئێرشەکە میتێ هات كوشتن، هه‌سه‌دێ ل 6 كانوونێ راگهاندبوو كو رۆنی د ئێریشه‌كه ته‌رۆریستی ده جانێ خوه ژ ده‌ست دا یه.
مەدیایا ترکیەیێ دوهـ رۆژا یه‌كشه‌می 17/12/2023ان ئیدیعا کر به‌رپرسێ په‌كه‌كێ و یه‌په‌گێ یێ ب ناڤێ شێروان حه‌سه‌ن ب ناڤێ كۆد رۆنی وه‌لات ل 5ێ ڤە مەهێ ل دێرەزۆرێ د ئێرشەکە میتێ هاتیه كوشتن.
ل ئالیێ دن هه‌سه‌دێ ل 6ێ كانوون دابوو زانین کو رۆنی وەلات د ئێریشه‌كه ته‌رۆریستی ده ده‌ما ئه‌و ل سه‌ر ئه‌ركا خوه بوو جانێ خوه ژ ده‌ست دایه.
هه‌ر وها دیار كربوو، «رۆنی وەلات» کو ئەندامێ جڤاتا سەربازی یا دێره‌زوورێ یە ژی، ل 5ێ كانوونێ ئه‌ره‌به‌یا وی ب بۆمبه‌یه‌كه نووساندی ل نێزی زەڤیا پەترۆلێ یا ئۆمەر ل رۆژهلاتا دێره‌زوورێ هاتبوو ته‌قاندن.
ل گۆری مەدیایا ترکیەیێ، رۆنی وەلات د ناڤبەرا سالێن 2011-2013ان دە ل ترکیەیێ ل دژی هێزێن ئەولەهیێ یێن ترکیەیێ هنەک چالاکی ل دار خستنە.
