پارتیا وه‌لاتپارێزێن كوردستانێ: ئەم قەتلیعاما مەراشێ (گرگومێ) روورەش دکن

“45 سال بەرێ، سال 1978، د ناڤبەرا رۆژێن 19 و 25 چلەیا پێشین دە، ل باژارێ گرگومێ (مەراشێ)، ل باکورێ کوردستانێ قەتلیعامەک ل دژی خوشک و برایێن مەیێن کوردێن عەلەوی ھاتە کرن. 

ئەڤ قەتلیعاما ژ ئالییێ ھێزێن ڤەشارتی و یێن ئاشکەرەیێن نیژادپەرەست و فاشیستێن دەولەتا ترکییێ ڤە ھاتبوو ئۆرگانیزەکرن و ل دارخستن. 

د ڤێ قەتلیعامێ دە 111 کوردێن عەلەوی ھاتن کوشتن، 1500 کەس ژی بریندار بوون. 

د 45 سالڤەگەرا قەتلیعاما مەراشێ دە، ئەم ڤێ قەتلیعامێ و قەساسێن وێ روورەش دکن. ئەم ھەموو قوربانییێن ڤێ قەتلیعامێ ب گرامی ببیر تینن”.

نڤێسینگەها راگەھاندنێ یا پارتییا وەلاتپارێزێن کوردستانێ

19/12/2023