کۆمپانیا DNO یا نەرویجی بەرھەمانینا پەترۆلێ ل ھەرێما کوردستانێ زێدە کریە و د پلانا وێ دەیە بیرەکا دی ژیڤیا پەترۆلێ ل ھەرێما کوردستانێ بکۆلە.
ئیرۆ (سێشەمێ، 18 بەرچلەیا 2023) برێڤەبەرێ بجھانینێ یێ کۆمپانیا DNO یا پەترۆلێ یا نەرویجی بیژەن رەحمانی د راگەھاندنەکێ دە ئەشکەرە کر، رێژەیا بەرھەمانینا پەترۆلێ ل زەڤیا پەترۆلێ یا تاوکێ یا ھەرێما کوردستانێ زێدە کریە و بەردەوام ژی د زێدەبوونێ دەیە، ب رەنگەکی کو نھا نێزی 90 ھەزار بەرمیلێن پەترۆلێ تێن بەرھەمانین.
برێڤەبەرێ بجھانینێ یێ کۆمپانیا DNO ئاماژە دا وێ یەکێ ژی کو، د وێ باوەرێ دە نە کو ئەو قەبخوازیێن رووبروویی کۆمپانیا وان و کۆمپانیێن دن ژی بوونە دێ بێن چارەکرن و “ل سەر بەرفرەھکرنا کارێ خوەیێ بازرگانی ل ھەرێما کوردستانێ پابەندن.”
وەکی کو د راگەھاندنا برێڤەبەرێ بجھانینێ یێ کۆمپانیا دنۆیێ دە ھاتیە، د پلانا وان دەیە ل سالا 2024 ل باشیکێ بیرەکا دی یا پەترۆلێ بکۆلن.
کۆمپانیا DNO یا نەرویجی ل چەند زەڤیێن پەترۆلێ یێن ھەرێما کوردستانێ کار دکە، وەکی زەڤیا تاوکێ و زەڤیا پێشخابوورێ.
