رێخستنا پهكهكێ 9 جوانێن دن یێن كوردان كو نوو كهتنه د تهمهنا گێنجاتییا خوه ده ژ بۆی مرنێ ئاماده دكه، ب ئێحتیمالهكه پر مهزن ل رۆژ و مههێن پێش مه، وێنهیێن وان وێ د ناڤا كوشتییان ده وهرن دیتن.
ههپهگێ باسكێ لهشكهری یێ پهكهكێ ئیرۆ رۆژا چارشهمی 20\12\2023ان وێنهیێن 9 كهچ و خۆرتێن كوردان پارڤهكرنه و وێنهیێن زلامێ ئیمرالیێ عهڤدللا ئۆجهلان و ئالێن پهكهكێ خستنه د دهستێن وان ده و داخویانییا تهڤلیبوونێ ب دهڤێ وان دا یه گۆتن.
د ڤێ داخۆیانییا پهكهكێ ده یا كو ب دهڤێ ڤان زارۆكێن رهبهن هاتیه خوهندن هاتیه گۆتن: رێبەر ئاپۆ د تێکۆشینا خوە یا 50 سالی یا ل دژی پەرگالا مۆدەرنیتەیا کاپیتالیست و زیهنیەتا وێ یا قرێژ و بێئەخلاقی دە رێیا ئاڤاکرنا ژیانا ئازاد، وەکهەڤ و ئەخلاقی نیشانی مە دا”!!.
پهكهكه هاتیه ئهڤ زارۆك و جوان ب ناڤێ وهلاتێ شێرین، ب ناڤێ ڤینا كوردستانێ خاپاندنه، كێشی چیا كرنه و وهكه ئامۆرهكی بۆ مرنێ ئامادهكرنه و ژ نوو ڤه بهحسا ئهخلاقی و ژیانا ئازاد دكه، ئهڤ جوان نزانن كو ل نێڤبهرا وان و مرنێ ده هنهك رۆژ، مههـ مانه، نزانن كو پهكهكه وێ وان وهكه ب ههزاران رێههڤالێن وان یێن جوان ژ بۆی تێزێن گهنی یێن ئاپۆ بده كوشتن.
د داخۆیانییا تهڤلیبوونێ ده پهكهكێ ههر ل دهستپێكێ و وهكه بهرخكێن سهدهقێ ئهڤ 9 جوان ب فهدا ژ بۆ ئاپۆ دیتنه، ههر وها ب دهڤێ وان دبێژه ئهركا مه ئهوه ئهم فكرا ئاپۆ بێهتر بهلاڤه بكن، بێئهخلاقییا پهكهكێ ئهوقاسه كو خوینا جوانێن كوردان ل وێ دهمێ لاییق دبه وهختا ژ بۆی زلامێ ئیمرالیێ بێ رژاندن.
پهكهكه كو بوویه رێخستنا رهڤاندن و كوشتنا زارۆكێن كوردان، ژ بۆی چێكرنا شهرڤانان پشتبهستنێ ل سهر رهڤاندنا زارۆكێن كوردان ژ ههر چار پهرچهیێن كوردستانێ دكه، ئهڤ یێك ژ هێلا رێخستنێن نهتهوێن یهكبوویی ڤه هاتیه تهسپیت كرن.
ل گۆری ئاگاهیێن تایبهت یێن پێگهها داركا مازی، ب سهدهما زێدهبوونا ههژمارا كوشتییان د ناڤا چهكدارێن وێ ده، بنكهفتنێن لهشكهری و قوتبوونا بهردهوام یا چهكداران ژ رێخستنێ، پهكهكه نها د كریزهكه پڕ مهزن یا نهبوونا شهرڤانان ده یه، لوما ژی ئێدی ههر ل نێڤبهرا چهند رۆژان هنهك زارۆكان د مهدیایێ ده دئینیته پێش و بانگێن تهڤلیبوونێ بۆ جوانێن كوردان ب دهڤێ وان دده گۆتن.
