په‌كه‌كێ ناسنامه‌یا دو چه‌كدارێن دن ئاشكه‌ره كر كو 6 مه‌هان به‌رێ ل زاپێ ب ده‌ستێ ئارتێشا تركیێ دا نه كوشتن و ئیرۆ هاتیه د په‌سنێ وان ده دبێژه: ئه‌و بوون هێڤێن ژ بۆی یه‌كتییا گه‌لان!.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا پێنجشه‌می 21/12/2023ان ناسنامه‌یا دو چه‌كدارێن خوه یێن ب ناڤێن ئدریس سوله‌یمان و عه‌لی ئه‌حمه‌د ئیفشا كر كو 6 مه‌ها به‌رێ ل ده‌ڤه‌را زاپێ یا ل باشوورێ كوردستانێ ب ده‌ستێ ئارتێشا ده‌وله‌تا ترك دا نه كوشتن.
په‌كه‌كێ مرنا ئدریس و عه‌لی ژی 6 مه‌هان ڤه‌شارتی هشتبوو و ژ نوو ڤه هاتیه ئیرۆ مرنا وان ئیلان كریه و د په‌سنێ وان ده دبێژه ئه‌و بوون هێڤێنێ براتی و یه‌كتییا گه‌لان!.
«براتییا گه‌لان» پرۆژه‌یه‌كا قرێژ یا ئیستخباراتی یه، ده‌زگه‌هێ ئیستخباراتا تركیێ ب هاریکارییا هه‌ر یێك ژ ر‌ژێمێن سووریێ و ئیرانێ چێكر، پشتگریێ دده‌تە رژیمێن كوردستان ل هه‌ر 4 پا‌رچه‌یان داگیر كری، ئه‌ڤ پرۆژه ژ كوردان دخوازیت ده‌ست ژ مافێن خوه یێن نه‌ته‌وه‌یی به‌ردەن و د چارچۆڤه‌یا وان ده‌وله‌تان دا بمینن و د ناڤا گه‌لێن وێ دا ئاسمیله ببن.
ئۆجالان ل سالا 2013ێ پرۆژه‌یا «براتییا گه‌لان» قه‌بوول كر و ژ وێ ده‌مێ ڤه په‌كه‌كه ب فه‌رمی خستییه د خزمه‌تا ده‌وله‌تا ترك ده و ژ وێ ده‌مێ ڤه په‌كه‌كه هه‌ر رۆژ جوانێن كوردان ژ بۆی ڤێ پرۆژه‌یا قرێژ دده كوشتن.
