رەوانگەھا سووری یا مافێن مرۆڤان بەلاڤ کر، درۆنەکا ترکیێ ئۆتۆمۆبیلەک ل پارێزگەھا حەسەکێ کرە ئارمانج و د ئەنجامێ دە کوشتی و بریندار ھەنە.
رەوانگەھێ بەلاڤ کر، درۆنەکا ترکیێ دوھی ئۆتۆمۆبیلەک کو 3 کەس تێ دە بوون، ل سەر ریا حەسەکە – تل تەمرێ دە کرە ئارمانج، د ئەنجامێ دە کوشتی و بریندار ھەنە و ئامبولانس بەر ب جھێ بوویەرێ ڤە چوون.
دوھی ژی، درۆنەکا ترکیێ 2 گوند ل رۆژئاڤایێ منبجێ کربوون ئارمانج و د ئەنجامێ دە زیانێن مادی گھشتبوون مال و ملکێن وەلاتیان.
ل گۆری زانیاریێن رەوانگەھێ، ژ دەستپێکا ئیسال ڤە ترکیەیێ 106 ئێریشێن ئاسمانی ب ریا درۆنان ل سەر ھەرێمێن د بن کۆنترۆلا “رێڤەبەریا خوەسەر” دە پێک ئانینە و د ئەنجامێ دە 88 کەس ھاتنە کوشتن و زێدەتری 95 کەسان ژی بریندار بوون.
