وەزارەتا بەرگریێ یا ترکیەیێ راگھاند، ھەژمارا لەشکەرێن کو د ئێرشا پەکەکەیێ دە ھاتنە کوشتن گھشتیە 6 لەشکەران و لەشکەرەک ژی بریندارە.
ل گۆری ھندەک چاڤکانی و مالپەرێن نووچەیان یێن خوەجھی، ڤان شەر و پەڤچوونان ل دەڤەرا بێسۆسنێ یا ناڤچەیا رووبارۆکێ یا جۆلەمێرگێ ل سەر سینۆرێ باکور و باشوورێ کوردستانێ روو دایە.
ھەمان چاڤکانیان دەستنیشان کر کو 2 جەردەڤان ژی ھاتنە کوشتن لێ وەزارەتێ ل سەر جەردەڤانان چ داخویانی نەدایە.
وەزارەتا بەرەڤانیێ یا ترکیەیێ بەرێ راگھاندبوو کو د ڤێ چالاکیا گەریلایان دە 4 لەشکەرێن وان ھاتنە کوشتن 3 لەشکەر ژی ھاتنە بریندارکرن.
ل گۆری داخویانیێ ناڤێن لەشکەرێن کو ھاتنە کوشتن ئەڤن: رەمەزان گونای، محەمەد سەرینکان، چاگاتای ئەرەنۆگلو، یاسین کاراجا، ئیمرە تاشکن و ئیسماعیل یازج.
ھات ئیدیعاکرن کو د ڤان پەڤچوونان دە 4 گەریلا ژی هاتینە کوشتن.
ھەروەھا ل ئالیێ دن، ھەتا نھا پەکەکەیێ ل سەر ڤێ مژارێ هیچ داخویانیەک نەدایە.
