چەتەیێن ب ناڤێ “جوانێن شۆرەشگەر” زارۆکەکی دن ل کۆبانێ رەڤاند
رێخستنا “جوانێن شۆرەشگەر” یا سەر ب پەکەکێ ڤە ل باژارێ کۆبانێ زارۆکەکی تەمەن بچووک ب ئارمانجا چەکدارکرنا وی د ناڤ رەفێن پارتیێ دە رەڤاندن.
ناڤێ زارۆکێ هاتیە رەڤاندن فەیاز عیسا محەمەدە، مالباتا ڤی زارۆکی د دەما جاڤپێکەتنەکا تەلەفزیۆنی دە راگھاند کو کورێ وان ژ ئالیێ رێخستنا “جوانێن شۆرەشگەر” ڤە ل باژارێ کۆبانێ ھاتیە رەڤاندن و چارەنڤیسا وی ژ دەما رەڤاندنا وی د 14ێ ڤێ مەھێ دە ھەتا نھا نە دیارە.
مالباتێ دیار کر کو کورێ وان “فەیاز”ێ 13 سالی دەما ل گوندێ “چالۆک” یێ سەر ب باژارێ کۆبانێ بوو، ژ ئالیێ رێخستنا “جوانێن شۆرەشگەر” ڤە ھاتیە رەڤاندن.
مالباتێ دیار کر کو ھەر چەند ل ناڤەندێن رێخستنا “جوانێن شۆرەشگەر” و ناڤەندێن رێڤەبەریا پارتیا یەکیتیا دەمۆکراتیک ل وی گەریانە ژی، لێ بەلێ ھەموو ھەولدان ب سەر نەکەتن.
فەیاز زارۆکێ دویەمێ ڤێ مالباتێ یە و د 20 خزیرانا 2010 دە ل خەربا راست ھاتیە دنێ و ناڤێ داییکا وی نەسرا محەمەدە.
فەرماندارێ هەسەدێ مەزلووم کۆبانێ، د سالا 2019 دە ل گەل ڤێرجینیا گامبا نوونەرا نەتەوێن یەکگرتی بوو کارووبارێن زارۆکان، پەیمانەک ئیمزە کریە، کو ئێدی زارۆکان تەڤلی ھێزێن خوە نەکە و یێن د ناڤ دە سەربەست وەرن بەردان، لێ تا نھا چ پابەندی ب پەیمانێ نەھاتیە کرن، و رەڤاندن و لەشکەرکرنا زارۆکان بەردەوامن.
