ترکیێ راوەستاندنا گەشتێن ئاسمانی لگەل فرۆکەخانەیا سلێمانیێ درێژ کر

ترکیەیێ راوەستاندنا گەشتێن ئاسمانی لگەل فرۆکخانەیا ناڤدەولەتی یا سلێمانیێ ھەتا 22/6/2024 درێژ کر.

رێڤەبەرێ گشتی یێ فرۆکەخانەیا ناڤدەولەتی یا سلێمانیێ ھندرێن ھیوا ئیرۆ 23/12/2023 راگھاند، حکوومەتا ترکیێ گەشتێن ئاسمانی لگەل فرۆکخانەیا سلێمانیێ ھەتا 22/6/2024 درێژ کر.

رۆژا 3/7/2023 ژی، ترکیێ راوەستاندنا گەشتێن ئەسمانی یێن لگەل فرۆکەخانەیا ناڤدەولەتی یا سلێمانیێ ھەتا 3/1/2024 درێژ کربوو و نھا ژی ھەتا 22/6/2024 درێژ کر.

پێشتر ژی بەردەڤکا وەزارەتا دەرڤە یا ترکیێ، راوەستاندنا گەشتێن ئاسمانی لگەل فرۆکخانەیا سلێمانیێ، ژ بەر زێدەبوونا چالاکیێن پەکەکێ ل پارێزگەھا سلێمانیێ ڤەگەراندبوو.

فرۆکەخانەیا ناڤدەولەتی یا سلێمانیێ ل بەکرەجۆیە کو 15 کیلۆمەتران دووری سلێمانیێ یە، کەڤرێ بنگەھین یێ فرۆکەخانێ د سالا 2003 دە ھات دانین و سالا 2005 تەمام بوو و کەتە کار.