وەزارەتا بەرەڤانیێ یا ترکیێ راگهاند، وان 29 چەپەرێن په‌كه‌كێ و یه‌په‌گێ بۆمبەباران کرنە.
ل گۆری داخویانیا وەزارەتا بەرەڤانیێ یا ترکیەیێ کو ل سەر تۆرا جڤاکی یا «x» هاتیە بەلاڤکرن، فرۆکەیێن ترکیێ شەڤا بۆری 29 چەپەرێن په‌كه‌كێ و یه‌په‌گێ ل باشوور و رۆژئاڤایێ كوردستانێ بۆمبەباران کرنە.
هه‌ر وها ده‌ستنیشان كر، ئەڤ ئێریش ژ بۆ تۆلهلدانا لەشکەرێن کو د شەرێ دو رۆژێن بۆری دە ل دژی په‌كه‌كێ هاتنه کوشتن، هاتیە کرن.
ل گۆر وەزارەتێ، د دو رۆژێن بۆری دە 12 لەشکەرێن وان د شەر و پەڤچوونێن ل گەل په‌كه‌كێ دە هاتنە کوشتن و چەند لەشکەر ژی بریندار بوونە. هەروها 29 چەکدارێن په‌كه‌كێ ژی د ئۆپەراسیۆنێن وان دە هاتنە کوشتن.
ژ ئالیێ دن ڤە چاڤکانیێن سەر ب رێڤەبەریا خوەسەر ڤە ژی راگهاندن، فرۆکەیێن ترکیێ شەڤا بۆری چەند ناڤەندێن سڤیلان کرنە ئارمانج و زیانێن مادی چێبوونە.
ل گۆری زانیاریان، فرۆکەیێن ترکیەیێ وەستەگه‌هێن پەترۆلێ ل تربەسپیێ، هه‌ر وها ناڤەنده‌كه ئەلەکتریکێ ل دێرکێ بۆمبەباران کرنە.
