میتێ کوشتنا بەرپرسەکێ پایەبلندێ پەکەکێ ل کۆبانێ ئەشکەرە کر

 سازیا ئیستخباراتا میلی یا ترکیێ (میت)ێ راگەھاند، د ئۆپەراسیۆنەکی دە بەرپرسێ کۆبانێ یێ ب ناڤێ باھۆز عەفرین ھاتیە کوشتن.

ل گۆر نووچەیا ئاژانسا ئانادۆلویا کو زمانحالا فەرمی یا دەولەتا ترکیێ یە و ئەڤ ئاگاھی سپارتیە چاڤکانیێن ئەولەھیێ، بەرپرسێ کۆبانێ یێ پەکەکێ/یەپەگێ یێ ب ناڤێ باھۆز عەفرین کو ژ سالا 2021 ھەتا نھا ل وێ ھەرێمێ بەرپرسە، دەما ئامادەکاریا ل ھەمبەر ھێزێن ئەولەھیا ترکیێ ژ بۆی ئەنجامدانا چالاکیەکێ دکر ب ئۆپەراسیۆنەکی ھاتیە کوشتن.

ل گۆر ھەمان چاڤکانیێ باھۆز عەفرین پشتی کو پەیەدێ ل رۆژئاڤایێ کوردستانێ دەستھلات خستیە دەست خوە، باھۆز عەفرین بەشداری رێخستنێ بوویە و سالا 2019 دە وەک بەرپرس تابوور، پشترە ژی بەرپرسێ ئەنیەکی بوویە. ھەروھا ژ سالا 2021 شوون دە د رێڤەبەریا ھەرێمێ دە جیھ گرتیە و بەرپرسێ کۆبانێ یێ ئەنیا رۆژئاڤا ئەرک وەرگرتیە.