ژ بەر بارینا به‌فرێ، رێیێن 472 گوندان ل پارێزگەهێن وانێ، جۆلەمێرگێ، بدلیسێ و مووشێ یێن باکورێ کوردستانێ هاتنه گرتن.
ئەڤ چەند رۆژن پێلەکە به‌فرێ ل پارێزگەهێن وانێ، جۆلەمێرگێ، بدلیسێ و مووشێ یێن باکورێ کوردستانێ گرتیە.
ل وانێ، به‌فرێ رێیێن د ناڤبەرا 272 گوندان دە گرتیە، تیمێن پاقژکرنا رێیان ژی هەول ددن رێیێن د ناڤبەرا ڤان گوندان و جهێن نیشتەجیهبوونێ دە ڤەکن.
هەروها ل پارێزگەها جۆلەمێرگێ به‌فرێ رێیێن 12 گوند و 112 مەزرەیان گرتیە. ل سەر کۆلان و رێیێن ناڤەندا باژێر كارێن پاقژکرنا به‌فرێ تێن کرن.
رێڤەبەرێ خزمەتێن رێ و گیهاندنێ یا ئیدارەیا تایبەتا باژارێ بدلیسێ ئومیت کورتکان دیار کر کو به‌فرێ رێیا 15 گوندان گرت. ژ بۆ ڤەکرنا رێیان، تیم كار دكن.
سەکرەتەرێ گشتییێ ئیدارەیا تایبەتا باژارێ مووشێ شەیخموس یەنتور ژی دیار کر، به‌فرێ رێیێن 41 گوندێن مووش و ناڤچەیێن وێ گرتنە. كار ژ بۆی ڤەکرنا رێیا گەلەک گوندان به‌رده‌وامه.
