په‌كه‌كێ ناسنامه‌یا 7 چه‌كداران راگهاند

رێخستنا په‌كه‌كێ د دو رۆژێن رابووری ده‌ ناسنامه‌یا 7 چه‌كداران ئاشكه‌ره‌ كر كو ژ ده‌ستپێكا ڤێ مه‌هێ ڤه‌ كه‌تنه‌ به‌ر ئێریشێن ئارتێشا تركیێ.

هه‌په‌گێ باسكێ له‌شكه‌ری یێ په‌كه‌كێ دوهـ و ئیرۆ 24 و 25/12/2023ان ناسنامه‌یا 7 چه‌كدارێن خوه‌ ئاشكه‌ره‌ كر كو ل رۆژێن 23 و 8 و 3 ڤێ مه‌هێ ل هه‌رێمێن خاكورك، زاپ، مه‌تینا و پێنجوینێ كه‌تنه‌ به‌ر ئێریشان و ژیانا خوه‌ ژ ده‌ست دا نه‌.

هه‌په‌گێ د په‌سنێ ته‌ڤان ده‌ گۆتیه‌ ئه‌و ئاپۆیی بوون و ژ بۆی ئاپۆ فه‌دابوون.

هه‌ر یێك ژ ده‌وله‌تا ترك و رێخستنا په‌كه‌كێ ئامارێن دو رۆژێن رابووری یێن شه‌رێ خوه‌ یێ بێ ئه‌نجام راگهاندنه‌، ده‌وله‌تا ترك دبێژه‌ مه‌ 29 چه‌كدارێن په‌كه‌كێ كوشتنه‌، په‌كه‌كه‌ ژی دبێژه‌ مه‌ 89 عه‌سكه‌ر جه‌زا كرنه‌، لێ هه‌ردو ئالی راست نابێژن و ڤێ وه‌كه‌ شه‌ره‌كی مه‌دیایی ل دژی هه‌ڤ د مه‌شینن.