سازیا ئیستخباراتا میلی یا ترکیێ (میت)ێ راگەھاند، بەرپرسیارێ سلێمانیێ یێ پەکەکێ/کەجەکێ محەمەد شەفا ئاکمان یێ وەک “باهۆز زاگرۆس” تێ ناسکرن، ب ئۆپەراسیۆنەکا یەکدەربی کوشتیە.
ل گۆر چاپەمەنیا ترکیێ “محەمەد شەفا ئاکمان”، سالا 2005 تەڤلی رەفێن پەکەکێ بوویە و ل هەرێما کوردستانێ بوویە بەرپرسیارێ سلێمانیێ یێ پەکەکێ.
ھەروەھا ل گۆر ھەمان چاڤکانیێ، ئاکمانێ کو ئامادەکاریا چالاکیا چەکداری ل دژی ترکیەیێ دکر، ب ئۆپەراسیۆنەکە یەکدەربی، یا میتێ ھاتیە کوشتن.
دوهـ 25/12/2023 ژی سازیا ئیستخباراتا ترکیێ کوشتنا بەرپرسەکی دن یێ پەکەکێ یێ ب ناڤێ “ئەردینچ بۆلجال” کو وەک عەلی خەبات دهات ناسکرن ل سلێمانیێ ئەشکەرە کربوو.
ئەڤ د دەمەکی دە یە کو چاپەمەنیا پەکەکێ پێش نها د سالا 2021 دە راگهاندبوو، “د 9ێ خزیرانا 2021 دە محەمەد شەفا ئاکمان د بۆردوومانا دەولەتا ترکیێ دە هاتیە کوشتن”.
